3-Amaliy mashg‘ulot: Internet dasturiy ta`minoti. O’zbekistonda mavjud provayderlar ro’yxati va ularning imkoniyatlari

Netscape Navigator dasturida ishlash
Netscape Navigator bu veb brouzer bo`lib, uning yordamida World Wide Web (yoki oddiy qilib aytganda Web) da butun dunyo bo`ylab sayohat qilish, butun dunyo bo`yicha tarqalgan va yaxlit holatda ishlayotgan, o`zida turli ma'lumotlar, audio va videokliplar, grafikalar, tijoriy ma'lumotlar, turli hajviyalar hamda boshqa ma'lumotlarni mujassamlashtirgan va internetga ulangan kompyuterlar Web serverlardan foydalanish imkoniyati mavjud.
Web barcha gipermedia ma'lumotlari hammaning foydalanishi uchun mo`ljallangan bo`lishiga qaramay, Webra bog`lanish va ularni o`qish uchun maxsus dastur lozim. Bulardan biri yuqorida ta'kidlab o`tganimizdek Netscape Navigatordir. U ma'lumotlarni o`qiy oladi, kodlarni o`qiladigan holatga keltirib beradi va shuningdek boshqa ma'lumotlar, masalan videoklip hamda Webning boshqa ma'lumotlari qaerdaligi haqidagi ma'lumotni be­radi.
Netscape Navigator bir nechta "navigatsiya vositalari"ga ega, ular yordamida "sayohat qilgan" joyga qaytish va yana qaytadan ko`rish mumkin.
Navigator ishga tushirilgandan so`ng boshlang`ich sahifa av­tomatik tarzda ishga tushiriladi. Webni biror erga yo`naltirish uchun Location maydonida Webning kerakli manzili kiritiladi, masalan:http://www.whitehouse.gov.
Navigatsiya vositalarining qisqacha sharhi quyidagilardir:
Giperko`rsatma - bu ma'lum bir rang bilan ajratilgan matnlar yoki piktogrammalar bo`lib, kerakli ma'lumotlarni olish uchun ularni tiklash lozim. Har bir aloqa Webning boshqa ma'lumotiga yoki grafikli tasviriga, audio yoki video yozuvga yoki umuman boshqa bir faylga murojaat qiladi.
Back tugmachasi – oldingi ma'lumotga qaytishni ta'minlaydi.
Forward tugmachasi –keyingi ma'lumotga o`tishni ta'min­laydi.
Nome tugmachasi – kirishda ochilgan ilk sahifaga qaytish­ni ta'minlaydi.
Reload tugmachasi – agar ochishda biror bir kamchilikka yo`l qo`yilgan bo`lsa, ochilayotgan ma'lumotning qaytadan ochilishini ta'minlaydi.