3-4-амалий. Магматик тоғ жинсларининг пайдо бўлиши магматик тог жинслари

Тўла кристалл структура–бу структура интрузив тоғ жинслари учун ҳарактерли бўлиб, ер остидаги магма тўла кристалланади. Кристалланиш натижасида ҳосил бўлган тоғ жинсини ташкил этувчи минераллар аниқ қирраларга эга бўлади. Бу гуруҳга гранит, сиенит, биотит, габбро мисол бўлиб, батолит, лакколит, лополит ҳолида учрайди.
Порфирли структура. Бу турдаги структура томирлар орасидаги ва эффузив тоғ жинслари учун характерли. Текис кристалланмаган юзада яхши кристалланган минерал заррачалари ажралиб туради. Бу группага порфир ва порфиритлар мисол бўлади.
Ўрта кристаллик структура. Бу турдаги структура эффузив тоғ жинсларига тегишли бўлиб /базалт/, бу гуруҳ тоғ жинсларининг кристалл заррачаларини фақатгина микроскоп орқали кузатиш мумкин.
Шишасимон ва ғовакли структура. Магманинг совиши натижасида минерал заррачалар кристалланишига улгура олмай шишасимон текис аморф шаклини олади. Бу гуруҳга вулкон шишаси, обсидан мисол бўлади.
Лаванинг кристалланиш даврида интенсив газ ажралиб чиқиши натижасида, ғовакли тоғ жинси пемза ҳосил бўлади.
Текстура минералларини ўзаро характерловчи тушунча бўлиб, қуйидаги турларга бўлинади. Массив, ипаксимон, сланец типидаги текстуралар.
Гранит, габбро-массивга, мармар-ипаксимонга, сланецлар-сланец текстураларига мисол бўлади.
Энг муҳим магматик тоғ жинсларининг асосий турлари ва қурилишда ишлатилиши.
Нордон жинслар. Магматик жинслар орасида энг қўп тарқалган. Уларга гранит ва унинг отқинди хиллари липорит, вулқон шишаси ва бошқалар киради. Гранит жуда мустахкам тоғ жинси, унинг ранги оч кулранг, пушти ёки қизил бўлади. Жинс хосил қилувчи минераллардан дала шпати (микдори 40-60%), кварст (25-30%), рангли минераллардан слюда, амфибол (5-10%), кам учрайдиган акстессор минераллар апатит, сфен, стиркон, пирит, магнетит ва бошқалар бор. Заррачаларнинг катталигига қараб майда, ўрта ва йирик донали гранитлар бўлади. Текстураси массивдир. Зичлиги 2,6-2,7 г/см3 бўлиб, сиқилишдаги мустахкамлик чегараси 160-250 МПа. Умуман гранитлар мустахкам ва нураш жараёнига чидамли бўлади. Лекин табиий холатда уларнинг мустахкамлиги дарзлик даражасига боғлиқдир.
Гранит Ўрта Осиё ва Ўзбекистонда кенг тарқалгандир. Улар асосан Қурама, Нурота, Тянъшан, Хисор ва бошқа тоғларда кенг тарқалгандир. Гранит жуда яхши қурилиш материали бўлиб, пардозлаш ашёси сифатида кенг қўлланилади. Ҳозирги пайтда Ўзбекистон худудида гранит қазиб олаётган йирик қуйидаги конлар мавжуд: Чимган, Чаркасар, Гурмаксай, Козгансай, Тузбулақ ва бошқалар.
Липарит –кимёвий таркибига кўра гранитга яқин бўлса хам у эффузив-жинс хисобланади. Ранги оч сариқ ва оч кулрангдир. Структураси профили бўлиб, шишасимон массада, дала шпати, кварст, биотит минералларининг заррачалари учрайди. Зичлиги 2,4-2,65 г/см3 бўлиб, сиқилишдаги мустахкамлик чегараси 130-180 Мпа. Нураш жараёни натижасида чақиқ бўлакларга ажралиб аста-секин гилга айланади. У қурилиш материали сифатида хамда иморат ва иншоот деворларини пардозлашда кенг ишлатилади.
Липаритнинг кўриниши шишасимон бўлиб, вулқон шишасига обсиднан ва пемза киради.