3-4-амалий. Магматик тоғ жинсларининг пайдо бўлиши магматик тог жинслари

Обсидиан –қора ёки қизғиш-қўнгир тусдаги аморф шишасимон бўлиб, қора ойна ясашда ва декаратив ашё сифатида ишлатилади.
Пемза –зичлиги 1 г/см3 дан кам бўлган оқ кулсимон, сариқ тусли кўпиксимон жинс. У иссиқлик тутувчи бетон, цемент, буёқлар тайёрлашда ишлатилади.
Ўрта жинсларга ер пўстининг чуқур қисмида ҳосил бўлган диорит, сиенит ва уларнинг эффузив тури андезит киради.
Диорит–ранги тўқ ва оч ранг, кулрангдир. Тўла кристалланган донадор жинс. Минерал таркиби асосан плагиоклаздан (65-70%) иборат, рангли минераллар 30% ни ташкил этиб, амфибол, авгит, биотитлардан иборатдир. Зичлиги 2,6-2,9 г/см3. Сиқилишига мустахкамлиги 180-240 МПа. Диорит яхши силлиқланади ҳамда иморат ва иншоот деворларини пардозлашда ишлатилади. Нураган диоритлар қурилиш ишлари учун яроқсиздир.
Андезит –диоритнинг эффузив тури бўлиб, кулранг, қўнғир рангли, у устунсимон ва плитасимон бўлакларга ажралади. Минералогик таркиби диоритга ухшаш. Структураси порфирли, массив текстурали. Зичлиги 2,7-3,1 г/см3 , мустахкамлиги 140-250 МПа. Ўрта Осиёда кенг тарқалган. У кислотага чидамли бўлганлиги учун қурилиш материали ва безак тошлар сифатида ишлатилади.
Габбро–қум, тупроққа тўйинмаган, массив асосли интрузив жинсдир. Ранги қорамтир-яшил, яшил-кулранг. Минерал ва кимёвий тузилишига кўра таркибида кварст минералининг бўлмаслиги билан гранитдан фарқ қилади. Таркибида асосли плагиоклаз, пироксен, амфибол учрайди. Йирик ва ўрта донали структурали, массив ва йўл-йўл текстуралидир. Зичлиги 2,9-3,1 г/см3 мустахкамлиги 80-360 МПа. Габбро ўта мустахкам жинс бўлиб, қурилиш хом ашёси, безак тош сифатида ва хайкалтарошликда кенг ишлатилади. Шундай конлардан бири Тошкент вилоятининг тоғли худудида-Ақчин конидир.
Базалт–габбронинг эффузив тури, қора, қорамтир кулранг, зич, айрим холларда ғовакли жинслардир. Структураси кўзга кўринмас даражада кристалли ёки майда кристалли. Текстураси массив жуда кам-ғовакли. Таркибида оливин, авгит ва плагиоклаз учрайди. Зичлиги 3,0-3,3 г/см3 , ўта мустахкам жинс бўлиб, мустахкамлиги 300-350 МПа, баъзида 500 МПа хам бўлади. Нурашга жуда чидамли. Иншоот деворларини безашда, кўчаларни қуриш ва йўлларни қоплашда ишлатилади.
Диобаз–габбронинг томирсимон хили хисобланади. Ранги тўқ кулранг, яшил, қора. Структураси ўртача ва майда донадор, массиви текстурали. Таркиби бўйича базалтга ўхшаш, лекин плагиоклаз ва авгит кўпчиликни ташкил этади. Зичлиги 2,7-2,9 г/см3, мустахкамлиги 100-210 МПа. Нурашга чидамли, қурилиш хом ашёси сифатида кенг ишлатилади.
Ультра асосли жинсларга пироксенит, перидотит, дунитлар киради ва таркибида дала шпати ва кварст деярли учрамаслиги билан бошқа жинслардан фарқ қилади.