3-4-амалий. Магматик тоғ жинсларининг пайдо бўлиши магматик тог жинслари

3-4-АМАЛИЙ. МАГМАТИК ТОҒ ЖИНСЛАРИНИНГ ПАЙДО БЎЛИШИ
 
Магматик тог жинслари ер остидаги хамирсимон магмани ер устида ёки ер остида кристалланишидан хосил бўлади. Ер остида-магманинг кристалланишдан ҳосил бўлган тоғ жинслари интрузив тоғ жинслари деб аталади.
Ер устида лаванинг кристалланишидан хосил бўлган жинслари-эффузия тоғ жинслари деб аталади.
6.1-расм. Магматик жинсларнинг магмадан ҳосил бўлиш схемаси
1. Чуқурлиги; 2. Эр устида чиқиб қолганлари
Интрузив жинсларнинг ётиш шакллари: Лаколит, Батолит.
Лакколит- Ер пўстида дўмбоқ ёки қўзиқорин шаклида қотган магма
лакколитлар деб аталади (6.2-расм).
Лакколитларнинг таги тахминан горизонтал, усти қабариқ ёки гумбаз шаклида бўлади. Лакколит асосан чўкинди жинслар орасига кириб қолган интурузив жинсдир. Лакколит ер юзасидан 0,5-3 км чуқурликда учрайди.
Лакколитнинг устидаги тоғ жинслари ювилиб, лакколит гумбаз шаклида ер юзасига чиқиб қолиши мумкин.
Батолит-қурилиши жиҳатидан лакколитдан фарқ қилиб, ҳосил бўлиш жараёни лакколит билан бир хил (6.3-расм). Эффузив магматик тоғ жинслари табиатда қоплама (6.4-расм) ва гумбаз (6.5-расм) шаклларда ётади.
Магматик тоғ жинслари СuО2 билан нечоғлик тўйинганига қараб гуруҳларга бўлинади.
Таркибида СuО2=65-52% бўлган гурух ўрта тоғлар жинслари деб аталиб, бу гуруҳга сиенит, диорит, порфирит, трахит, андезит мисол бўлади.
Асосли тоғ жинслар гуруҳига; дала шпати, нордон плагиоклазлар ва кам миқдорда қора рангли минераллардан ташкил топган бўлади. Бу тоғ жинслар гуруҳи таркибида СuО2=52-40% бўлади ва гурухга габбро, диабаз, базалт мисол бўлади.
Ультра асосли тоғ жинслари таркибида СuО2 нинг миқдори 46% дан кам бўлиб, бу гуруҳга передотит ва дунит мисол бўлади. Минералогик таркибини авгит, оливин, рудали минераллар ташкил этади.
Магматик жинсларнинг структураси ва текстураси.
Тоғ жинсларининг структураси деганда тоғ жинсини ташкил этувчи заррачаларнинг ўлчами, шакли ва минералларнинг миқдори тушунилади. Тоғ жинсларининг бирини иккинчисидан ажратишда структурасини ўрганиш катта аҳамиятга эга.
Магматик тоғ жинсларининг структураси магманинг қандай босқичларда кристалланишига боғлиқ бўлиб, у турли хилда бўлиши мумкин.