22-variant Fe’lning tuzilish jihatdan turlari: sodda va qo`shma fe’llar. Juft fe’llarning o`ziga xos xususiyatlari

Modal so`zlarning ma’no turlari.

Modal so`zlar bayon qilinayotgan fikrga so`zlovchining ishonch, gumon, quvonch, afsuslanish munosabatlarini yoki fikrning tartibi, xulosasini bildiradi.

№	Modal so`zlarning ma’nolari	Modal so`zlar
1	Ishonch munosabati	albatta, shaksiz, shubhasiz, tabiiy
2	Gumon	ehtimol, balki, chamasi, shekilli, chog`I, mazmuni, haytovur
3	Tasdiq	darhaqiqat, haqiqatdan, to`g`ri, chindan ham
4	Fikrni xulosalash	xullas, demak, umuman, alqissa
5	Fikrning tartibi	avvalo, avvalambor, qolaversa,binobarin, nihoyat
6	Fikrning dalillanishi	masalan, jumladan, inchunun, chunonchi
7	Achinish	attang, afsus, afsuski
8	Quvonch	xayriyat, shukur
9	Istak, orzu	koshki, qaniydi, zora
10	Modal munosabatni bildiruvchi so`zlar	lozim, mumkin, shart, zarur, kerak, darkor,iborat, bor, yo`q, joiz

Sof va vazifadosh modal so`zlar

Modal so`zlar ham sof va vazifadosh modal so`zlarga bo`linadi.

Faqat modal ma’no uchun xoslangan so`zlar sof modal so`zlar sanaladi: haqiqatdan, darhaqiqat, afsuski, attang, albatta, shekilli, avvalo, avvalambor, xullas, koshki, masalan kabi.

Modal ma’noda ham qo`llanilgan aftidan, chamasi, balki, umuman, ehtimol, taxminan, shubhasiz singari so`zlar vazifadosh modal so`zlar hisoblanadi.

1. Aftidan, Safarov ikkovi og`ilga tomon kelmoqda edi.

2. U qop- qora, qotma, vujudi pay bir yigit bo`lib, aftidan yoshini chamalash qiyin edi.

Ikkala gapda ham bir xil shakldagi so`z qo`llangan. Ikkalasi ham tarixan bir turkumga oid. Biroq bugungi kunda bu so`zlar ikki xil so`z turkumining tarkibida o`rganilganligi bois shakldosh so`zlar sifatida qaraladi. Yuqoridagi gaplarning birinchisida aftidan so`zi modal so`zlik xususiyatini namoyon qilgan bo`lsa, ikkinchi gapda, bil’aks ot so`z turkumidagi xususiyatlarini namoyon qilgan

N