2 Tema: Ǵárezsizlik deklaraciyası hám onıń tarıyxıy áhmiyeti. 1991 jıl avgust waqıyaları. Ǵárezsizlik qarsańında Ózbekistandaǵı sociyallıq-siyasıy processler. Jobası

Respublikalar, solar ishinde, O’zbekstan oray joybarın qabıl qılmadı. Solay etip, sha’rtnama joybarın du’ziw ha’reketinin’ birinshi basqıshı na’tiyjesiz juwmaqlandı.
1991-jıl fevral-mart ayında Awqam sha’rtnaması joybarı u’stinde islewdin’ ekinshi basqıshı bolıp o’tti. Bunda Baltika boyı respublikaları, Gruziya, Armeniya, Moldaviya wa’killeri qatnaspadı, Azerbayjan baqlawshı bolıp qatnastı. Bul basqıshta Awqam menen respublikalar wa’killiklerin parqlap qoyıwg’a ha’reket qıldı. Juwmag’ında, Awqam ha’m respublikalar wa’killikleri belgilep qoyılg’an jan’a sha’rtnama joybarı baspa so’zde ja’riyalandı. Respublikalarda bul joybar dodalandı. Respublikalar, sonın’ ishinde, O’zbekstan, oraylıq mekemeler ele o’zinin’ eskishe hu’kimranlıg’ın saqlaw ruwxı sin’dirilgen bul hu’jjetten qanaatlanbag’anlıg’ın bildirdi.
SSSR Joqarg’ı Soveti Awqam sha’rtnamasın o’zgertiw, SSSRdı ten’ huqıqlı suveren respublikalar Federaciyası sıpatında jan’alaw haqqında xalıqtın’ pikirin biliw maqsetinde 1991-jıl 17-mart ku’ni Pu’tkil awqam referendumın o’tkeriwge qarar qıldı. 1991-jıl 20-fevralda O