2 Tema: Ǵárezsizlik deklaraciyası hám onıń tarıyxıy áhmiyeti. 1991 jıl avgust waqıyaları. Ǵárezsizlik qarsańında Ózbekistandaǵı sociyallıq-siyasıy processler. Jobası

Oraydag’ılar “Ku’shli oray - ku’shli respublikalar” dese, orındag’ılar “Ku’shli respublika — ku’shli oray” dep aytıstı.
Oraylıq ha’kimiyat talabı astında Awqam sha’rtnamasın jan’alaw za’ru’rligin bildiriwge ma’jbu’r boldı. SSSR Joqarg’ı Soveti bul ma’sele menen shug’ıllanıwshı arnawlı delegaciya du’zdi ha’m onın’ quramın tastıyıqladı. 1990-jıl iyulda Moskvada oray wa’killeri menen respublika delegaciyaları jan’a sha’rtnama tekstin tayarlawg’a kiristi. 1990-jıl avgust ayında Awqamdı jan’alaw bag’darlaması islep shıg’ıldı.
Bag’darlamada respublikalar o’z aymag’ındag’ı pu’tin milliy baylıqlarg’a iyelik etiw, paydalanıw huqıqına iye ekenligi aytılg’an edi. Biraq sha’rtnamag’a bunday qatnas orayg’a jaqpadı. SSSR Joqarg’ı Soveti bul bag’darlamanı qabıl qılmadı. SSSR Joqarg’ı Soveti respublikalarının’ tilek ha’m ma’plerin pu’tkilley joq qılg’an jan’a sha’rtnama joybarın du’zip, respublikalarg’a tarqattı.