2 Tema: Ǵárezsizlik deklaraciyası hám onıń tarıyxıy áhmiyeti. 1991 jıl avgust waqıyaları. Ǵárezsizlik qarsańında Ózbekistandaǵı sociyallıq-siyasıy processler. Jobası

’zbekstan Joqarg’ı Ken’esinin’ Rayosatı da referendum o’tkiziwdi maqulladı ha’m SSSR Joqarg’ı Soveti ta’repinen tayarlang’an byulleten menen birge ja’ne bir qosımsha byulletendi dawısqa qoyıwg’a qarar qıldı.
Qosımsha byulletenge «Siz O’zbekstannın’ g’a’rezsiz ten’ huqıqlı respublika sıpatında jan’alang’an Awqam (Federaciya) quramında qalıwg’a razımısız?» degen soraw qoyıldı. Dawıs beriwge qatnasqan saylawshılardın’ 93 procenti bul sorawg’a «Awa» dep juwap berdi. Demek, o’zbekstanlılar o’z ma’mleketin g’a’rezsiz ma’mleket sıpatında Federativ Awqamda bolıwın, O’zbekstannın’ suveren respublika sıpatında rawajlanıwın jaqlap dawıs bergen edi.
O’zbekstan basshıları referendum na’tiyjelerine tiykarlanıp, respublikalarg’a tolıq g’a’rezsizlik beriwdi go’zlemeytug’ın sha’rtnama joybarınan bas tarttı. O’zbekstan Respublikası Prezidenti 1.Karimov O’zbekstan Kompartiyası Oraylıq Komitetinin’ 1991-jıl 12-martta bolg’an IV plenumında so’ylegen so’zinde: «Awqam sha’rtnamasına qol qoyıw ushın eń qolay waqttı qoldan berip qoydı. Eki jıl aldında bul máseleni kótergen adamlardıń dawısına hesh kim qulaq salmadı. Oray 1922-jıldag’ı sha’rtnamag’a bekkem jabısıp alıp, durıs usınıslardı qabıl etpedi, isti paysalg’a saldı»,- degen edi. Bul pikirdin’ durıslıg’ın turmıstın’ o’zi tolıq da’lilledi.
1991-jıl aprelde Kievte Ukraina, Rossiya, Belorus, O’zbekstan, Qazaqstan Respublikaları basshılarının’ ushrasıwı boldı. Ushrasıwda g’a’rezsiz respublikalar ma’plerine tuwrı keletug’ın Awqam sha’rtnamasın du’ziwge jaqınlasıw jolları islep shıg’ıldı ha’m tiyisli hu’jjetke qol qoyıldı. Bul hu’jjetti Qırg’ızstan, Ta’jikstan, Tu’rkmenstan Respublikaları da qol qoyıwg’a razılıq bildirdi. Oray boysınıwg’a ma’jbu’r boldı.
1991-jıl aprelde Novo-Ogoryovada SSSR Prezidenti M.S Gorbachyovtın’ 9 respublika basshıları menen ushrasıwı boldı. Qatnasıwshılar ta’repinen «Ma’mlekettegi jag’daydı turaqlastırıw ha’m turaqsızlıqtı saplastırıwg’a tiyisli keshiktirip bolmaytug’ın ilajlar tuwralı qospa bayanatqa» qol qoyıldı.