2 соат Талабалар сони

Ўқитиш шакллари:Коллектив иш

Ўқитиш шароити: Техник воситалар билан таъминланган аудитория.

Мониторинг ва баҳолаш: Оғзаки, тест савол-жавоблари.

1.БУХГАЛТЕРИЯ ҲИСОБИНИНГ ФАН ВА
АМАЛИЙ ФАОЛИЯТ СИФАТИДАГИ МОҲИЯТИ,
ПРЕДМЕТИ ВА ОБЪЕКТЛАРИ
Иқтисодиётни бошқариш маълум дастаклар ёрдамида амалга оширилади. Шундай дастаклардан бири бўлиб бухгалтерия ҳисоби ҳисобланади.
Бухгалтерия ҳисобининг бош мақсади бўлиб иқтисодиётнинг қуйи бўғини ташкил қилувчи хўжалик юритувчи субъектлар фаолияти, фаолият натижалари, мулки¹, мулкни ташкил топиш манбалари тўғрисидаги ахборотларни қайд этиш, ҳужжатлаштириш, гуруҳлаш, жамлаш ҳамда бу ахборотларни тегишли бошқарув қарорларини қабул қилувчи фойдаланувчиларга етказиш ҳисобланади.
Хўжалик юритувчи субъектлар бошқарув тизимида бухгалтерия ҳисоби юз берган ва бераётган фаолият турлари, уларнинг натижалари, мулк ва мулкни ташкил топиш манбалари тўғрисидаги ахборотларни қайд этиш, гуруҳлаш, жамлаш ва фойдаланувчиларга етказиб бериш, назорат ва таҳлил қилиш каби функцияларни бажаради. Бу функцияларни бажариш учун бухгалтерия ҳисобини юритувчи ходимлар юз берган хўжалик жараёнлари ва операцияларини ҳужжатлаштириш, уларни қайд этиш, тегишли счётларда гуруҳлаш ва жамлаш, ҳисоб маълумотларини ҳисоботлар кўринишида умумлаштириш, тузилган ҳисоботларни белгиланган тартибларда турли бошқарув органларига етказиш каби вазифаларни бажарадилар.
Халқаро таълимотда бухгалтерия ҳисоби унда шаклланадиган ахборотларнинг шакл ва мазмуни, уларни ким учун мўлжалланганлигига қараб, қуйидаги иккита қисмга ажратилади:

2. 
   молиявий ҳисоб;
   

(2) бошқарув ҳисоби.
Яхлит бухгалтерия ҳисоби ушбу қисмларининг айнан шундай номланиши негизида қуйидагилар ётади.