2-sinf o`qish kitobi vatan

ALISHER NAVOIY
Xurshid Davron

Mir Alisher Navoiy
Bobomizning kitobi
Yoritar dilimizni
Misli bahor oftobi.
Mir Alisher Navoiy –
G‘azal mulkin sultoni.
Yaxshilikka chorlaydi
uning she’r-u dostoni.
Mir Alisher Navoiy
Merosi tamom bo‘lmas.
Nabiralar bor ekan,
Bobomiz nomi o‘lmas.

BOBURNING FAZILATLARI
G. H. Pant, hind tarixchisi
Bobur ismi “sher” ma’nosini anglatib, o‘zi ham ismi jismiga monand kishi bo‘lgan. Ke lishgan qaddi-qomati va benihoya kuchliligidan tashqari dovyuraklikda, epchillikda, chaqqonlikda uning oldiga tushadigan odam topilmagan. Bobur uncha-muncha qiyinchiliklarni pisand etmagan, ayniqsa, ovda chinakam sher bo‘lib ketgan. u ko‘pincha ikki davangirday odamni qo‘ltiqlab olib, Agra qal’asi devorlari ustida yugurib mashq qilgan. Bobur yana ajoyib suzuvchi va g‘avvos ham bo‘lgan. u yo‘lida uchragan jamiki hind daryolarini suzib o‘tgan. “Boburnoma”ni o‘qir ekansiz, Boburning aqlli va bilimli ekanligiga guvoh bo‘lasiz. Bobur tabiatni jonidan yaxshi ko‘rgan. Ayniqsa, tog‘ larni, dar yo larni, bog‘larni, yaylovlarni ko‘rganda, zavq-shavqi tug‘yon urib, misoli bulbuligo‘yo bo‘lib ketgan. u so‘zamol no tiq, iste’ dodli shoir, mohir sarkarda, mehribon ota, or-nomusi kuchli inson bo‘lgan.
Boburning ko‘p ishlari poyoniga yetmay qolgan, shu sababdan ham o‘g‘li Humoyun keyinchalik uning ishini davom ettirgan.


ALISHERNING ONASI
Abdulla Oripov

Bilmam, qanday ayol bo‘lgan
Alisherning onasi.
Balki uning aqliga ham
Lol qolgan zamonasi.
Balki uning ko‘zlarida
Bo‘lgan og‘ir bir xayol.
Balki g‘amgin bir zotdir u,
Balki sho‘xchan bir ayol.
Balki buyuk farzandiga
Terib kelgan chechaklar.
Balki tunlar unga bedor
Aytib bergan ertaklar.
Mayliga, u kim bo‘lmasin,
Yolg‘iz bir so‘z ma’nosi:
Alisherning onasi u,
Navoiyning onasi.