2-sinf o`qish kitobi vatan

2
shoir bobomiz, ayniqsa, ustozlarni ulug‘laganlar:„Harf o‘rgatgan o‘qituvchingni hurmat qilib, haqini uzmoqchi bo‘lsang, xazinalardagi barcha oltinlar bilan ham uzolmaysan“, – deganlar. Navoiy bobomiz asarlarini o‘qigan sari chuqur tushuna boramiz. Ba’zida esa o‘qib, uqishga qiynalamiz. Axir yozilganiga besh asrdan oshdi-da! Shuning uchun ustozning „Bilmaganni so‘rab o‘rgangan olim ...“ degan nasihatlariga amal qilib, so‘rab-so‘rab o‘rganaveramiz. Xullas, ul zotning ijodini daryoga o‘xshatamiz. Bu daryodan dunyo xalqlari bahramand bo‘lmoqda. Shuning uchun ham Navoiy bobomizning nomlari butun dunyoga mashhur.
1. Matndan Navoiyning til haqidagi hikmatini topib o‘qing. Ma’nosini tushuntiring.
2. Nima uchun xalqimiz Alisher Navoiy nomini mehr bilan tilga oladi?
3. Alisher Navoiy ustozlar haqida nima deganlar?
Sayilda
Mirzo Karim
1
Jarchi viloyat ahlini Xokan adirlariga chorlaydi. Zahiriddin Muhammad erta tongdanoq bugungi sayilga tayyorgarlik ko‘rar, otalig‘i Shayx Maziddindan o‘rgangan hunarlari: ot choptirish, qilich urishtirish va zarb berish bo‘yicha musobaqalashishga shoshilardi. U to‘riq otga minib, otasiga o‘zining qudratini, ot choptirish mahoratini, yoshiga mos qilib yasalgan qilichini urishtirish va zarb berish tayyorgarligini ko‘rsatishga oshiqardi. Umarshayx Mirzo kaftlarini bir-biriga qattiq urdi. Karnay, surnay, nog‘ora tovushlari shu zahoti tindi.
Zahiriddin Muhammad qilich yalang‘ochlab, navkar bilan olisha ketdi. Ularning shiddatli olishuvlari qalqonni jaranglatar, har ikkisi epchillik bilan chap berishardi.
Zahiriddin qilichni zarb bilan urdi. Bu safar navkar Zahiriddin Muhammad zarbiga bardosh berolmadi. U otdan qulab tushdi. Tomoshabinlar Zahiriddinni olqishlashdi. Zahiriddin Muhammad qiblagohi qarshisiga kelib, tiz cho‘kdi. Umarshayx Mirzo farzandining peshanasidan o‘pib, shunday dedi: – Ota zarbini olibsan, balli, o‘g‘lim! Bobursan, Bobur...
1. Zahiriddin Muhammadning navkar bilan olishuvi haqida so‘zlang.
2. Har bir qismga sarlavha qo‘ying. Sarlavhaga mos reja tuzing