2 O„zbekiston respublikasi oliy va o„rta maxsus ta‟lim vazirligi

 
Shartli sug„oriladigan yerlarda zig„ir yetishtirish texnologiyasi
Shartli sug„oriladigan yerlarda zig„ir ekiladigan maydonlarga o„tmishdosh 
o„simliklarni ekishdan oldin 15-20 tonna organik o„g„itlar berish tavsiya etiladi. 
Mineral o„g„irlar miqdori lalmi yerlarga nisbatan 15-20% ko„proq beriladi. 
Bahorgi-yozgi muddatlarda suv tanqisligi kuzatiladigan maydonlarda kech kuz va 
qish oylarida nam yig„ish uchun dalalar sug„oriladi. Ekin maydonlari 22-25 sm 
chuqurlikda shudgor qilinadi va erta bahorgi ishlar lalmi yerlarda o„tkaziladigan 
agrotexnik tadbirlar bilan bir xil tartibda amalga oshiriladi. Imkon qadar erta 
bahorda ekish hosildorlikka ijobiy ta‟sir ko„rsatadi. Maqbul ekish urug„lik miqdori 
sug„oriladigan yerlar uchun 30-35 kg/ga tavsiya yetiladi.

---

360 
O„suv davri davomida 1-2 marta qo„l chopig„i o„tkaziladi va ikki marta 
sug„oriladi. Birinchi suv shonalash davrida, ikkinchi suv esa, gullash davrida 
beriladi. Sug„orishdan oldingi tuproq namligi cheklangan dala nam sig„imiga 
nisbatan 70% bo„lishi lozim. 
O„suv davrining boshlarida har bir gektarga 5-6 s dan tovuq go„ngini 
mineral o„g„itlar bilan birgalikda qo„shib o„simliklarni oziqlantirish hosildorlikni 
20-35% oshiradi. Shartli sug„oriladigan yerlarda zig„ir yetishtirish uchun qo„ydagi 
miqdorda mineral o„g„itlar bilan oziqlantirish (tasir etuvchi moddalar hisobida) 
tavsiya yetiladi: N
30-45
P
60
K
40.
Zig„ir 
yetishtirilayotgan 
maydonlarning 
tuproq-iqlim 
sharoiti, 
qo„llaniladigan agrotexnika xolatiga va suv bilan ta‟minlanganlik darajasiga qarab 
o„g„itlar miqdori va turlari belgilanadi. 
Hosilni yig„ib olish. 
Moyli zig„ir urug„lari to„liq pishib yetilgandan keyin 
yig„ib olinadi. Bu paytda o„simlik poyasi va quzoqchalari sarg„ayib barglari 
to„kilib ketadi. Urug„lari to„q jigarrang, qo„ng„ir yoki qora tusga kiradi. Hosil katta 
maydonlarda maxsus moslangan don kombaynlari yordamida, tomorqa 
xo„jaliklarida esa, qo„lda yig„ib olinib quritiladi.
Poyalari quritilgach, yanchilib, o„simlik qoldiqlaridan maxsus elaklarda 
tozalanadi va qoplanadi. Ushbu urug„lar 15-20 kilogramli mato qoplarda xona 
harorati 13 dan past va havoning nisbiy namligi 60 foizdan yuqori bo„lmagan xona 
sharoitida saqlanishi tavsiya yetiladi. Saqlanadigan urug„ning namligi 10-12% 
oshmasligi kerak. Zig„ir urug„lari tarkibidagi namlik 12-13% dan yuqori bo„lishi 
urug„ unuvchanligiga va urug„ tarkibidagi moy miqdoriga sal‟biy ta‟sir ko„rsatadi. 
Urug„lar saqlanayotgan omborxona vaqti-vaqti bilan shamollatib turiladi.