2-oraliq javoblari Dengiz sathidan yuqoriga kotarilgan sari umumiy iqlim sharoitlari qanday o`zgara boradi?

5.Madagaskar kichik floristik viloyati Madagaskar oroli va uning atrofidagi Maskaren, Seyshel, Amirant va Kamar orolchalarini o‘z ichiga oladi.

U yerda palma rafiya, ko‘pchilik dukkakdoshlar, sutlamadoshlar, madagaskar baobabi kabilar o‘sadi. Ko‘pchilik madagaskar turlari sistematik jihatdan Afrikadagilarga to‘g‘ri keladi. Madagaskarning sharqiy qismi janubi-sharqiy nam shamol ta’siri ostida bo‘lib turadi. Bu yerda nam tropik o‘rmonlar tarqalgan bo‘lib, uning 26 turkumi Hindistonda uchraydi. Bu o‘rmonblarda tropik paporotniklar, murakkabguldoshlar, dukkakdoshlar, palmalar, epifit holda o‘suvchi atrekum orxideyasi (uning guli 25 sm keladi), sagovnikning touares turi, ninabarglilardan kallitris kammertoni, kazuarekaning ekvisitifoliya degan turlari o‘sadi. Pandanusdoshlar oilasidan pandanus edulis endem hisoblanadi.

Orolning markaziy qismi o‘tsimonlar va yakka-yakka o‘suvchi daraxtlardan iborat. Florasi o‘ziga xos. Geran, binafshalarning o‘sishi Madagaskar bilan Kap floristik viloyatlari bir-biri bilan bog‘liqligidan dalolat breradi. Bunday o‘simliklar qatoriga moriya paporotnigi, proteydoshlardan dilobeya, sayohatchilar daraxti (Ravenal madagascarensis) deb nomlanuvchi yirik o‘tlarni kiritish mumkin. Madagaskar florasi 6765 turni o‘z ichiga olgan. Shulardan 89%i endem turlardir.

Maskarem orollari florasi orol tog‘lari yon bag‘irlaridagi tropik o‘rmonlar o‘simliklardan iborat. Orxideya va paporotniklar juda ko‘p uchraydi. Daraxtsimon kiatsea paporotnigi, endemik palmalardan borasso, areka turkumlari o‘sadi. Madagaskar florasiga nisbatan bir muncha kambag‘al hisoblanadi.

Seyshel orollarida 338 tur yuksak o‘simliklar o‘sadi. Ularning 18%i endem hisoblanadi. Ulardan 5 tasi palmalardir (Ulardan Seyshel palmasi 15 kg li meva hosil qiladi).