2-mavzu: sotsial psixologik treningning asosiy bosqichlari. Guruhiy dinamika jarayonlari. Guruhga psixoanalitik jihatdan yondashuv. Adler talqinidagi guruhiy konsultatsiya reja

Rasmli texnikani qo‘llashning asosiy yo‘nalishlari
Rasmli texnikani qo‘llashning asosiy yo‘nalishlari: diagnostik, rivojlantiruvchi, davolovchi. Trening jarayonida vaziyatlardan kelib chiqib, ishtirokchilar o‘rtasida rasmli texnikalardan ham unumli foydalaniladi. Bular art terapiyaning turli usullari hisoblanib, shaxsning qiziqish, qobiliyatlarini, xarakter sifatlarini, ong osti sirlari kabilarni aniqlashda, shuningdek, psixoemotsional zo‘riqishlarni (stress, depressiya) bartaraf etishda yoki oldini olish kabilarda amaliy psixologiyaning zamonaviy usullari sifatida keng qo‘llanilib kelinadi.
“Art terapya” nomi lotin tilidan “sanъat bilan davolash” deb tarjima qilingan. Ushbu psixoterapiya sohasi nisbatan yoshroq, ammo davolanish vaqtida erishilgan taъsir tufayli jadal rivojlanmoqda. Psixologik muammolarni bartaraf etish uchun keng imkoniyatlarni ochadigan ko‘plab turlari mavjud. Dastlab tasvir terapiyasi, yaъni tasviriy sanъat bilan davolash, keyinchalik ijodning boshqa shakllari, yaъni qo‘shiq, raqs, aktyorlik, modellashtirish va boshqalarda namoyon bo‘ladi, bu odamlarni nafaqat mashg‘ulotlarga jalb qilish, balki hayotiy masalalar bilan shug‘ullanish, uning ichki “Men”i, shu bilan birga ichki olami va qarama-qarshiliklarini bartaraf qilish, kayfiyatni yaxshilash, aqliy holatni uyg‘unlashtirish, imkoniyatlarini qamrab oladi.
Art terapiya yomon taъsirga ega emas va insonda shug‘ullanishga nisbatan qarshilikkar, eъtirozlar yuz bermaydi, chunki bu holda jarayonning o‘zi muhim emas. Ushbu kontsepsiya ingliz shifokori va rassomi Adrian Hill tomonidan taqdim etildi. U sil kasalligi bilan kasallangan bemorlarni davolash bilan shug‘ullangan. Ikkinchi jahon urushi davrida kontsentratsion lagerlardan ozod qilingan bolalarga nisbatan psixologiyada zamonaviy terapiya sifatida qo‘llanildi. Bugungi kunda u individual va guruh faoliyatlari shaklida olib borilmoqda.
Art terapiyasi, hatto uydan tashqariga chiqmasdan, hattoki shifokorga uchramamasdan ham antistress imkoniyatlarini beradi. Mijoz rasm texnikadan shug‘ullanish jarayonida davolash kursini o‘tkazish bilan birga, o‘zini aqliy holatini uyg‘unlashtirishga imkon beruvchi, o‘z-o‘zini anglash, o‘zini ifoda etish va o‘zini o‘zi tahlil qilishni amalga oshiradi. Rasmli texnika yaratuvchanlik, davolash, psixologik va hissiy holatlarni yaxshilash, stressni bartaraf etish, qo‘rquv va fobiyalardan qutulish, tajovuz, tashvish, befarqlik, depressiya, hayot va kayfiyatni yaxshilashni maqsad qiladi.