2-mavzu: qo‘ZG’aluvchan to‘qimalar fiziologiyasi

Nazorat savollari
1. Qanday to‘qimalar qo‘zg’aluvchan to‘qimalarga kiradi?
2. Qo‘zg’alish va qo‘zg’aluvchanlik deb nimaga aytiladi?
3. Qo‘zg’aluvchan hujayra membranasining tuzilishini tushuntiring.
4. Bo‘sag’a kuchi deganda nimani tushiniladi?
5. Bioelektrik hodisa nima va u qachon o‘rganilgan?
6. Mikroelektrodning tuzilishi va uning ishlatish texnikasini ayting.
7. Tinchlik (membrana) potensial tabiati, kelib chiqish sabablarini tushuntiring:
8. Xarakat potensialining fazalari va uni qayd qilish texnikasi qanday bo‘ladi?
9. «Bor yoki yo‘q» qonunini mazmunini taxlil qiling.
10. Sinaps deganda nimani tushiniladi?
11. Sinapslar qanday tuziladi?
12. Sinapslar qanday xillarga ajratiladi?
13. Sinapslarda qo‘zg’olish qanday uzatiladi?
14. Qanday mediatorlarni bilasiz?


3-Mavzu: Muskullar fiziologiyasi
Tayanch iboralar: ko‘ndalang targ’il muskul, silliq tolali muskul, miofibrilla, sarkomer, aktin, miozin, anizotrop disklar, izotrop disklar, izotonik qisqarish, izometrik qisqarish, tetanus, motoneyron
3.1 Muskullar klassifikatsiyasi
Muskullar kimyoviy energiyani bevosita mexanik energiyaga va issiqlikka aylantiruvchi a’zolardir. Umurtqali hayvonlarda skeletning ko‘ndalang targ’il muskuli, yurakning ko‘ndalang targ’il muskuli va ichki a’zolarning, qon tomirlarning hamda terining silliq muskullari tafovut qilinadi.
Ko‘ndalang targ’il muskullar birinchi galda tana va qismlarining fazodagi harakatlarini, ko‘z harakatlarini, chaynash va boshqa faoliyatlarni bajaradi. Skeletning ko‘ndalang targ’il muskullari inson idrokiga bo‘ysunadi, ular yordamida ixtiyoriy harakatlar bajariladi. Bu muskullar faoliyati MNT tomonidan to‘liq boshqarilib turadi.
Silliq muskullar asosan ichki a’zolar harakatlarini ta’minlaydi. Ular avtomatiyaga ega bo‘lib, ko‘proq kavak a’zolar devorida joylashgan. Intramural yoki metasimpatik nervlar chigali tomonidan boshqariladi. Silliq muskullar faoliyatini ixtiyoriy ravishda o‘zgartirib bo‘lmaydi.