2 мавзу. O‘zbekiston respublikasida logistika xizmatining huquqiy asoslari. Logistika tizimining zamonaviy kontseptsiyasi

4.Логистикани бошқаришнинг услубий жиҳатлари.
Логистикани таъминлаш асослари, тартиблари ва тизими.
Маҳаллий, баъзи ҳолатларда хорижий амалиёт шуни кўрсатадики, кейинги йилларда амалга оширилган транспорт-омбор хўжалигини ривожлантиришга жалб қилинган сармояларга қарамасдан, кутилаётган натижага эришилмаяпти. Инфратузилмавий мажмуа юқори салоҳиятли имкониятга эга бўлсада, шунга қарамай унга юкланаётган ишончни оқламаяпти. Асосий ишлаб чиқариш ва маҳсулотни сотишга кучсиз бирлаштирилган капитални пассив жамлаш келгусида ривожлантиришниг экстенсив омилига асосланган ёндошувлар эртами кечми тугашига олиб келади. Бу борада янги тартибларга таянган ва чуқур илмий асосга эга логистика концецияси талаб этилади.
Логистиканинг илмий асосларига қуйидагилар киради:
- тизимли ёндошув;
- иқтисодий-математик ва иқтисодий-статистик услублар мажмуи;
-ахборот технологиялари.
+уйидагилар таркибий қисмлар логистика иқтисодий асослари ҳисобланади:
- мустақил товар ишлаб чиқарувчиларнинг борлиги;
- инфратузилмани ривожлантириш;
- табиий нархни ташкил этиш;
- бозорда талаб коньюктураси.
Логистик тизимлар учун талаб авваламбор етказиб бериш шартномаси, сўнгра буюртма шаклида пайдо бўлади.
Эвристик ёндошувлар, яъни қарор қабул қилувчи профессионал шахсларга асосланган эксперт баҳоларини қўллаш логистик тизимларнинг услубият асослари саналади. Аниқ хўжалик топшириқларини ҳал этиш жараёнида математик ҳисоб-китоблар ва логистик давомийликдан ташқари шу каби вазифаларни ҳал этиш тажрибаси ҳамда ўхшаш хўжалик вазиятларга асосланган норасмий, сезгирлик мулоҳазалари ҳам ката рол ўйнайди.
Логистик тизимларни ишлаб чиқиш ва яратишда ўзаро хатти-ҳаракатнинг бутун механизмини ва унинг айрим таркибий қисмларининг хусусияти ҳамда табиатини аниқловчи тамойиллар муҳим аҳамиятга эгадир.
Ишлаб чиқариш-хўжалик фаолиятидаги муаммоларни ҳал этишга логистик ёдошувни акс эттирувчи бир нечта асосий тамойиллар мавжуд.
Синергиялик тамойили. У кўзланган мақсадларга эришишда мажмуавий тизимли ёндошувни ифода этади. Ушбу тамойил асосида ишлаб чиқариш ва муомала жараёнлари бирлашиши ҳисобга олинган ҳолда, логистик тизимларнинг айрим таркибий қисмларининг фаолиятини яхшилашдан кўра тузилма бўйича ҳаракатларнинг барча ўзаро боғлиқ жараёнларда келишиганлиги ҳисобидан катта самарага эришиш мумкин.