2-mavzu: demokratik jamiyat toʻGʻrisida qarashlar va uning rivojlanish bosqichlari

2.4. Oʻzbekistonda demokratik jamiyat kurilishining
rivojlanish bosqichlari

1991 yil 31 avgust kuni Oʻzbekiston Respublikasining mustaqilligi e’lon qilindi. Ammo, mustamlakachilik siyosatidan soʻng qolgan siyosiy, iqtisodiy, madaniy-ma’rifiy meros bilan mustaqillikni mustahkamlash va uning istiqbol yoʻlini aniqlash, aslida undanda murakkab vazifa edi. Bunday vazifa mamlakatda demokratik huquqiy davlat qurish, ijtimoiy yoʻnaltirilgan bozor iqtisodiyotini vujudga keltirish, uning jahon hamjamiyatiga qoʻshilishini ta’minlash boʻyicha qat’iy va izchil siyosat yurgizishdan iborat boʻldi.

Birinchi Prezident I.A.Karimov «Biz yangi ozod jamiyat, huquqiy davlat qurishni oʻz oldimizga maqsad qilib qoʻygan ekanmiz, adolat tamoyilini ustuvor prinsip sifatida e’tirof etamiz», deb Oʻzbekistonda adolatparvar demokratik jamiyat qurishning nazariyasini milliy davlatchiligimizning uch ming yillik tarixiy hamda madaniy merosi bilan bogʻlashga qaratadi.