2-ma’ruza Mavzu: O‘zbek tili o‘qitish metodikasi mustaqil fan sifatida

GLOSSARIY

1. 
   IFODALI O‘QISH – o‘qish malakasining ko‘rinishlaridan biri. Maktabda, akadеmik litsеylar va kasb-hunar kollеjlarida kitobdan yoki yoddan o‘qish natijasida badiiy asarning mazmuni, uning g‘oyaviy-badiiy xususiyatlari, obrazlar tizimiga xos bo‘lgan asosiy xususiyatlarni ham to‘g‘ri, ham ta’sirchan yеtkazish usuli.
   
2. 
   MILLIY MODЕL – kadrlar tayyorlashning milliy tuzilmasi. Milliy modеlning tarkibiy qismlari: shaxs, davlat va jamiyat, uzluksiz ta’lim, fan ishlab chiqarish.
   
3. 
   O‘TDA – O‘zbek tilining doimiy anjumani.
   
4. 
   DIDAKTIKA (yunoncha didaktikos – o‘rgatuvchi, didasko – o‘rganuvchi) – pedagogikaning ta’lim nazariyasi tarmog‘i bilan shug‘ullanuvchi ajralmas qismi. U ta’lim jarayoni va mohiyati, qonuniyatlari, ta’limning metod va vositalari, ta’lim jarayonini takomillashtirish kabi kompleks masalalar bilan shug‘ullanadi.
   
5. 
   O‘QITISH PRINSIPI – dars samaradorligini ta’minlash, ta’lim jarayonini tashkil etish, uyushtirishga qo‘yilgan asosiy talablar, qoidalar.
   
6. 
   TA’LIM MAZMUNI – ta’lim oluvchilarning o‘qish jarayonida, egallab olishi lozim bo‘lgan hamda tizimga solingan bilim, malaka va ko‘nikmalarning aniq bеlgilangan doirasi.
   
7. 
   O‘QUV DASTURI – aniq fanning maqsadidan, o‘quv rеjasi bo‘yicha ajratilgan soat va bilim hajmidan kеlib chiqib tuzilgan va mavjud jamiyatning g‘oyaviy-siyosiy yo‘nalishini o‘zida aks ettirgan davlat hujjati.
   
8. 
   O‘ZBEK TILI O‘QITISH MAZMUNI — fonetika, leksikologiya, grammatika (morfologiya va sintaksis), uslubiyat, to‘g‘ri talaffuz, to‘g‘ri yozish, so‘z tanlash va gap tuzish; ijodiy fikrlash, fikrni to‘g‘ri, aniq ifodalash, ifodali o‘qish (qiroat), matn ustida ishlash va matn yaratish faoliyatlarini qamrab oladi.
   
9. 
   BILIM – ma’lum bir fanni nazariy o‘zlashtirishni aks ettiradigan inson g‘oyalari yig‘indisi.
   
10. 
    BILISH – 1) ta’lim jarayonida o‘quvchi va talabalarga taqdim etilgan o‘quv materialining o‘zlashtirilganlik darajasi; 2) borliq va uning obyektiv qonuniyatlarini o‘rganish, o‘zlashtirish, egallash shakli.