2-laboratoriya ishi (boshi)

«Peregonda ajrab qolgan vagonlarning turgan joyi ma’lum emas».
Bunday ogohlantirish olgan yordam kо‘rsatuvchi lokomotiv mashinisti peregonda о‘ta ehtiyotkorlik bilan va tо‘siq uchrasa darhol tо‘xtashga tayyor holda harakatlanishi kerak.


2. Poyezdni peregondan jо‘natilgan stansiyaga qaytishi
Peregonda tо‘xtab qolgan poyezdning oldinga qarab harakatlanish imkoniyati bо‘lmasa va uni jо‘natilgan stansiyaga qaytishi zarur bо‘lsa, mashinist shaxsan, bosh konduktor yoki lokomotiv brigadasi xodimi orqali bu tо‘g‘rida (yozma, telefon yoki radio aloqa orqali) stansiya navbatchisi yoki poyezd dispetcheriga xabar qilishi lozim.
Bunday xabarni olgandan sо‘ng poyezd dispetcheri peregonni (peregonning tegishli yо‘lini) yopadi va poyezdni jо‘natilgan stansiyaga qaytish tartibini belgilaydi.
Odatda, poyezd peregondan yordamchi lokomotiv bilan qaytishi kerak.
Favqulotda holatlarda tо‘xtab qolgan poyezd (yо‘lovchi poyezdidan tashqari) stansiyaning kirish signaligacha yoki “Stansiya chegarasi” signal belgisigacha tisarilishi mumkin. Bunday tisarilish poyezd dispetcherining buyrug‘i bilan peregon (yoki yо‘l) barcha poyezdlar harakati uchun yopilib, tо‘xtab qolgan poyezd mashinistiga stansiya navbatchisining quyidagi shakldagi qayd etiluvchi buyrug‘i uzatilgandan sо‘ng amalga oshiriladi:
“______ peregon (peregonning yо‘li) barcha poyezdlar harakati uchun yopiq. №_____ poyezdni kirish signaligacha (yoki “Stansiya chegarasi” signal belgisigacha) tisarishga ruxsat etiladi.
DSP _______________ (stansiyaning nomi va imzo)”.
Radio aloqa yoki telefon aloqasi bо‘lmagan hollarda poyezd, peregon poyezd dispetcherining buyrug‘iga kо‘ra yopilgandan sо‘ng, tо‘xtab qolgan poyezd mashinistiga diagonali bо‘ylab qizil polosali oq rangli blankadagi ruxsatnoma (tashuvchi orqali) taqdim etilgandan sо‘ng tо‘xtatiladi.
Avtoblokirovka bilan jihozlangan peregonlarda poyezdni tо‘xtatish mumkinligi xaqidagi buyruq yoki diagonali bо‘ylab qizil polosali ok blankadagi ruxsatnoma tо‘xtab qolgan poyezdning mashinistiga, yо‘lning tо‘xtab qolgan poyezd bilan kirish signaligacha (yoki "Stansiya chegarasi" signal belgisigacha) bо‘lgan uchastkasi boshqa poyezdlardan bо‘sh bо‘lsagina uzatilishi mumkin.
Avtoblokirovka bilan jihozlangan peregonda jо‘nab ketgan poyezd birinchi blok-uchastkani bо‘shatmasdan tо‘xtab qolgan bо‘lsa, poyezd stansiya navbatchisining quyidagi ruxsatnomasiga binoan kirish signaligacha yoki “Stansiya chegarasi” signal belgisigacha peregonni yopmasdan tisarilishi mumkin:
“№______ poyezd mashinistiga poyezdni kirish signali (“Stansiya chegarasi” signal belgisi) gacha tisarishga ruxsat beraman.