2 Халқаро илмий-амалий конференция материаллари. Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларни малакасини ошириш институти, 2020 йил, 424 бет

“profedu.uz”
ахборот тизими, профессионал таълим тизими раҳбар ва педагог кадрларига 
инновацион ахборот технологиларидан фойдаланган ҳолда масофадан малака ошириш ва қайта 
тайёрлашдан ўтиш имконияти яратилди. 
Институт профессор-ўқитувчилариянги ташкил этилган “profedu.uz”ахборот тизимига 
видеомаъруза, маърузалар матни, мавзулар бўйича тақдимот материаллари, мустақил иш, тестларни 
киритиб, ўз вақтида малака ошириш курслари тингловчиларининг билим ва кўникмаларини 
ривожлантиришга ҳисса қўшиб келмоқда. 
Онлайн дарс - бу янгича услуб ва анъанавий дарсдан тубдан фарқ қилади. Демак, ҳар бир 
ўқитувчи-педагог энди аудиториядаги ёндашувларни қисман унутиб, виртуал аудиторияларга 
мослашиши зарур, чунки бу дарсларнинг ҳам ўзига яраша жиддий талаб ва шартлари бор. 
Онлайн дарслар таълим олувчиларникўпроқ мустақил ва ижодий ишлашга,соҳага доир 
китобларни мутолаа қилишларига, платформа базасига жойлаштирилган электрон ахборот 
ресурслардан фойдаланишларини тақоза этмоқда. Таълим берувчиларда ҳам касбий маҳоратларини 
ривожлантириш учун мунтазам ишлашга мажбур этмоқда. Бир сўз билан айганда “Онлайн 
машғулотлар - таълим берувчи ва олувчини ҳаракатга келтирувчи куч” бўлиб хизмат қилмоқда.
Ҳозирги вақтда ўқитиш ва тарбиялашнинг янги технологияларига сифат жиҳатдан тез ўтиш 
учун объектив асос юзага келди, чунки иқтисодий ва ижтимоий ҳаётдаги инновацион жараёнлар ўз-
ўзидан таълимда ҳам тубдан ўзгартиришларни тақозо этмоқда. Ҳеч бир ўқитувчи-педагог эртами-
кечми бу жараёнга қўшилмасдан четда қолиши мумкин эмас. 
ПРОФЕССИОНАЛ ТАЪЛИМ МУАССАСАЛАРИДАТАЖРИБА-СИНОВ ИШЛАРИНИ 
РИВОЖЛАНТИРИШ ХУСУСИЯТЛАРИ 
Шойқулов Бахтиёр Бакирович - Педагогик инновациялар, касб-ҳунар таълими 
бошқарув ҳамда педагог кадрларни қайта тайёрлаш ва уларнинг малакасини ошириш 
институти 
Аннотация: 
Мақолада профессионал таълим муассасаларида тажриба-синов ишларини 
ташкил этишнинг мақсад ва вазифалари ёритиб берилган.
Калит сўзлар: 
Тажриба-синов ишлари, инновацион полигонлар, ўқув-лаборатория ва 
устахона жиҳозлари, полигон ва тажриба-синов ер майдонлари.