2-боб. Интернет-маркетинг инфратузилмаси

World Wide Web

WWW (World Wide Web ) — тўғридан-тўғри уланиш хизмати бўлиб, Интернетга тўлақонли уланишни талаб қилади ва web- сайтларда тақдим этилган ахборот билан интерактив алоқа қилишга имкон беради. Бу энг замонавий ва қулай Интернет хизматидир. У гиперматн тамойилига асосланади, видео, аудио, тасвир ва матн каби турли хил мультимедиа ресурсларидан фойдаланган ҳолда ахборот тақдим этади. Алоқа гиперматн узатиш протоколидан (Hyper Text Transfer Protocol, HTTP ) фойдаланган ҳолда мижоз-сервер тамойили бўйича амалга оширилади. HTTP протоколи ѐрдамида WWW хизмати гиперматн тилида HTML (Hyper Text Markup Language) ҳужжатлар алмашинишга имкон беради.
www асосида ѐтувчи гиперматн тамойилига кўра HTML- ҳужжатнинг ҳар бир элементи бошқа ҳужжатга ѐки унинг бир қисмига ссилка бўлади, бунда ҳужжат Интернетдаги исталган серверда жойлашган ҳужжатларга ишора (ссилка) қилиши мумкин. WWW ссилкалари www хизматига хос бўлган ҳужжатлардан ташқари Интернетнинг бошқа хизмат ва ахборот ресурсларига ҳам ишора қилиши мумкин. Бунинг устига, WWW — браузерлари (browsers) мижоз-дастурлари, шарҳловчилар ѐки навигаторларнинг катта қисми бундай ссилкаларни тушунибгина қолмай, балки баъзи хизматларга тааллуқли мижоз – дастурга мансубдир: FTP, Usenet тармоқ янгиликлари, электрон почта каби мос келувчи хизматларнинг мижоз-дастурлари ҳам ҳисобланади.
Шундай қилиб, World Wide Web Интернет хизматларидан бири ҳисобланади. У фойдаланиш учун содда интерфейс таклиф қилади ва компьютер билан ишлашдан унчалик хабардор бўлмаган шахсларга
ҳам Интернетнинг исталган бир қисмида web-хизматларга уланиш имконини беради.

Интернетнинг янги хизматлари

Бугунги кунда унчалик кенг ривожланмаган ҳамда барча томонидан тан олинган ягона стандартларга эга бўлмаган Интернет хизматларини алоҳида бир гуруҳга ажратиш мумкин. Уларнинг асосида Интернетдан ахборот узатиш муҳити сифатида фойдаланиш ѐтади. Хусусан, бу гуруҳга қуйидагиларни киритиш мумкин:

• 
  телефон ва факсимиле алоқаси хизматлари тақдим этувчи Интернет алоқа каналлари бўйича овоз узатиш воситалари;
  
• 
  Интернет орқали видео- ва аудио- конференциялар ўтказиш учун дастурий воситалар;
  
• 
  мультимедиа ахбороти узатиш тизими.