2-боб. Интернет-маркетинг инфратузилмаси

Интернет хизматлари

Ҳозирги пайтда Интернетда барча спектрдаги ресурслар билан таъминловчи бир неча хизмат турлари мавжуд. Интернет хизматлари бу фойдаланувчиларга Интернет хизматларини тақдим этувчи тизимлардир. Улар қаторига электрон почта, www, телеконференциялар, жўнатмалар рўйхати, FTP, IRC, шунингдек, Интернетдан ахборот узатиш муҳити сифатида фойдаланувчи бошқа маҳсулотлар киради.
Интернет тақдим этувчи хизматларни икки асосий тоифага ажратиш мумкин.

1. 
   off-line — бу гуруҳнинг асосий белгиси сўров ва маълумот олиш оралиғида маълум бир вақт бўлиши ҳисобланади.
   
2. 
   on-line — сўров бўйича маълумот дарҳол олиниши билан
   

тавсифланади. Агар ахборот олувчи зудлик билан жавоб олишни истаса, бундай хизмат интерактив характерга эга бўлади.
Умуман, интернет хизмати турлари ниҳоятда кўп ва хилма-хил бўлиб (янги хизмат турлари кун сайин пайдо бўлиб, баъзилари йўқолмоқда) уларни қуйидаги гуруҳларга ажратиш мумкин:

• 
  WWW - электрон саҳифа хизмати;
  
• 
  электрон почта хизмати;
  
• 
  телеконференция (Usenet);
  
• 
  файлларни узатиш (FTP);
  
• 
  домен номланиш хизмати(DNS);
  
• 
  Telnet хизмати;
  
• 
  IRC - хизмати ѐки Chat конференция;
  
• 
  маълумотларни излаш хизмати.
  

WORLD-WIDE-WEB (Жаҳон ахборот тармоғи)

Электрон почта

Интернетнинг дастлабки ва кенг тарқалган хизмати электрон почта (e-mail) ҳисобланади. Бу хизмат ѐрдамида фойдаланувчи электрон шаклда бир неча абонентга хат юборади, хат юборилган шахс уни ўз компьютерида бироз вақт ўтгандан сўнг очиб ўқиши мумкин. Электрон хат хизмат ахборотидан иборат (хат муаллифи, олувчи шахс, тармоқдан ўтиш йўли ва б.) бўлган сарлавҳа ва хат мазмунидан таркиб топади.
Электрон хатни рақамли имзо билан тўлдириш ва шифрлаш мумкин. Хатни жўнатиш тезлиги ҳозирги пайтда бор йўғи бир неча сонияни ташкил қилиши мумкин. Бунда электрон почта қиймати минимал бўлиб, масофага алоқаси бўлмайди. Электрон почтанинг асосий афзаллиги унинг соддалиги, арзонлиги ва универсаллиги ҳисобланади.