2- мавзу: Керамик материаллар ва буюмлар (кмб). Гилтупроқ таркиби, хоссалари. Гилтупроқни куйдиришда физик-кимёвий жараёнлар. Керамик буюмлар ишлаб чиқариш технологияси, турлари, хоссалари, ишлатилиши. Режа

Керамик буюмлар структураси ва умумий хоссалари

Керамик материаллар таркиби қотиб қолган эритманинг узлуксиз фазаси (матрица) ва эримаган гилсимон, чангсимон ва қумли фракциялар (каркас) ҳамда ҳаво тўлган ғовак ва бўшлиқлардан иборат бўлгани учун уларни композицион материаллар дейиш мумкин. Матрица материали микроструктурани ва матрица каркас билан биргаликда макроструктурани ташкил этади. Керамик материалларнинг матрица қисми кристалл тузилишдаги алюмосиликат минераллардан ва аморф тузилишдаги шишасимон осон эрийдиган компонентлардан иборат бўлади.
Керамик материалларнинг зичлиги 2,5-2,7гсм³; ўртача зичлиги 200-2300 кг/м³; сиқилишдаги мустаҳкамлик чегараси 0,05 дан 1000МПа гача бўлади. Иссиқлик ўтказувчанлик коэффициенти: абсолют зич керамикани 1,16 Вт/(м^.0С), ғовак керамик материалларники 0,07-1,0 Вт/(м^.0С) бўлади. Керамик материалларнинг иссиқлик сиғими 0,18-0,22 КЖ/кг^.0С, иссиқликдан чизиқли кенгайиш коэффициенти эса 0,00014.
Керамик материалларнинг сув шимувчанлиги ғоваклигига қараб 0 дан 70% гача бўлади, совуққа чидамлилиги эса қуйидаги маркаларга тенг: 15; 25; 35; 50; 75 ва 100 (цикллар).

3. 
   Деворбоп керамик буюмлар
   

Деворбоп керамикага оддий керамик ғишт, турли эффектив керамик материаллар (ковакли, ғовакли ва ковакли-ғовакли ғиштлар, енгил, ковакли керамик тошлар, блоклар ва плиткалар) ҳамда йирик ўлчамли блоклар ва ғишт, керамик тош асосидаги панеллар киради.
Керамик ғиштлар ва тошлар. Керамик ғишт ва тошлар осон эрийдиган гиллар ва қўшимчалар қўшилган гиллар асосида тайёрланади ва асосан бино, иншоотлар ташқи ва ички деворларини қуришда ишлатилади.
Ғишт ва керамик тошлар ўлчамларига қараб қуйидагича турланади: Оддий ғишт 250х120х65 мм (3, а-расм.), модулли 250х120х88 мм (3, б-расм), йирик 288х138х65 мм (3, в-расм), оддий тош 250х120х138 мм (3, г-расм), йирик тош 250х138х138 мм(3, д-расм), модулли тош 250х250х138 мм (3, е-расм) ва коваклар горизонтал жойлашган тошлар 250х250х120 мм ва 250х250х80 мм(3, ж, з).