2 – дарс. Мавзу: Син ҳарфи

ﻝ

Лом ҳарфи ўзбек тилидаги «л» ундош товушини ифодалайди. Тўрт хил ёзилиш шаклига эга. Унинг алоҳида ва сўз охиридаги шакллари сатр чизиғидан пастга тушириб ёзилади. Сўз боши ва сўз ўртасидаги шакли эса чизиқ устида ёзилади. Лобар, лола, лочин, булбул, бол каби сўзларнинг ёзилишида учрайди. Лом ҳарфининг қўшилиб ёзилишига диққат қилинг: لل للل
Лом ҳарфи алиф ҳарфига уланганда ўзига хос қўшалоқ шакл ҳосил қилади ва бу шакл «лом-алиф» деб аталади. Лом-алифнинг ёзма шакли босма шаклидан бироз фарқ қилади.
لابر لاله لاچین بلبل بال

Мим ҳарфи

ﻢ

ﻤ

ﻣ

ﻡ

Мим ҳарфи ўзбек тилидаги «м» ундош товушини ифодалайди. Котиблар уни «ҳалқали мим» деб ҳам аташади. Чунки мим ўзининг ана шу думалоқ халқачаси билан алиф ҳарфидан фарқ қилади. Мим ҳарфи муттасил ҳарфлар сирасига киргани сабаб тўрт хил шаклда ёзилади ва ҳар икки томонидаги ҳарфларга уланади.
Унинг сўз боши ва сўз ўртасидаги шакллари чизиқ устида ёзилади. Мим ҳарфи ва унинг бирикмаларини ёзиб кўрамиз.
مممم مممم ممم ممم مم مم
Эътибор қилган бўлсангиз, мимнинг ҳалқачалари пастга қараган бўлади.
Коф ҳарфи

ﻚ

ﻜ

ﻛ

ﻙ

Коф ҳарфи ўзбек тилидаги «к» ундош товушини ифодалайди. Муттасил ҳарфлар сирасига киради, тўрт хил ёзилиш шаклига эга. Коф ҳарфининг ҳамма шакллари сатр чизиғининг устида ёзилади. Китоб, мактаб, терак, ўрик каби сўзларнинг ёзилишида истифода этилади. Коф ҳарфи ва унинг бирикмаларини ёзиб кўрамиз: ک کک ککک