2 – дарс. Мавзу: Син ҳарфи

Гоф ҳарфи

ﮓ

ﮕ

ﮔ

ﮒ

Гоф ҳарфи ўзбек тилидаги «г» ундошини ифодалайди, бу ҳарф араб тили алифбосида мавжуд эмас. У эски ўзбек ёзувига форслар томонидан қўшилган тўртинчи ҳарфдир. Гоф ҳарфининг ёзилиш шакллари кофникига айнан ўхшаш, фақат тепасидаги чизиқчанинг иккита экани билан фарқланади. Гавҳар, ганч, гаранг каби сўзларнинг ёзилишида иштирок этади.
Фе ҳарфи

ﻒ

ﻔ

ﻓ

ﻑ

Ўзбек тилидаги «ф» ундош товушини ифодалайди. Бе, пе, те, се ҳарфларининг ёзилиш шаклларига ўхшайди, фақат бошланиш қисми думалоқ бўлиб, устида битта нуқтаси бўлади. Тўрт хил ёзилиш шаклига эга. Сатр чизиғи устида ёзилади. Фарҳод, фош, фан, дафтар каби сўзларнинг ёзилишида иштирок этади.

Қоф ҳарфи

ﻖ

ﻘ

ﻗ

ﻕ

Қоф ҳарфи ўзбек тилидаги «қ» ундош товушини ифодалайди. Тўрт хил ёзилиш шаклига эга. Унинг бошланиш қисмида думалоқ халқачаси борлиги ҳамда тепасига икки нуқта қўйилиши билан «нун» ҳарфидан фарқланади. Қофнинг алоҳида ва сўз охиридаги шакли сатр чизиғидан пастга тушириб ёзилади, сўз боши ва ўртасидаги шакли фе ҳарфи сингари йўл чизиғида ёзилади. Қобил, қомат, наққош, шафқат, иттифоқ сўзларининг ёзилишида истифода этилади. Қоф ҳарфи шаклларини қўшиб ёзиб кўрамиз:
ق قق ققق