1Mavzu: Reanimatsiya va intensiv terapiya haqida tushuncha. Terminal holatlar. Elementar ópka – yurak reanimatsiyası

Og‘izdan burunga nafas berish – bu usul qo‘llanilganda bir qo‘l bilan bemorning boshi orqaga qayiriladi, ikkinchisi bilan pastki jag‘ni tortib oldinga siljitiladi. Og‘iz yopiladi. Chuqur nafas olinib, lablar bilan burun qoplanadi va puflanadi. Bemorning o‘pkasini har 5 soniyada shishirish kerak (1 daqiqada 16 marta).


Og‘izdan burun va og‘izga nafas berish.

Yangi tug‘ilgan chaqaloq va go‘daklarda havo bir vaqtning o‘zida og‘iz va burunga puflanadi (go‘dakning yuzi juda kichkinaligi uchun). Puflash tezligi 1 daqiqada 20 marta bo‘lishi kerak.

O‘pkaning sun’iy ventilatsiyasi qoidalari:

• 
  «Bemorning o‘pkasi – reanimator o‘pkasi» sistemasi germe­ tikligini ta’minlash.
  

• 
  Ko‘krak qafasiga puflaganda u ko‘tarilib, so‘ng pasayishini
  

(eshitib ko‘rish ham mumkin) nazorat qilish.

• 
  Nafas yo‘llari normal o‘tkazuvchanligini ta’minlash (kerak bo‘lsa, havo o‘tkazgichdan foydalaniladi).
  

• 
  Shaxsiy xavfsizlikni esdan chiqarmaslik (infeksiya va h.k).
  

Qo‘l asboblari bilan o‘pkaning sun’iy ventilatsiyasi

Ekspirator o‘pkaning sun’iy ventilatsiyasi uchun qo‘l nafas asboblari ishlatiladi. Bular: RDA, Ambu qopchasi, DP, KAMA lardir. Ambu qopchasini ishlatganda bir qo‘l bilan bemorning boshi orqaga qayiriladi va shu bilan birga niqobni bemorning yuziga mahkam bosiladi: burun qismini birinchi barmoq bilan, jag‘ qismini ikkinchi barmoq bilan, uchinchi va to‘rtinchi barmoqlar bilan bemorning jag‘i yuqoriga tortiladi. Bunda og‘iz yopiladi, havo burun orqali kiradi. Nafas berish yanada samarali bo‘lishi uchun, burun yo‘llari berk bo‘lganda havo o‘tkazgichlardan foydalaniladi. Havo o‘tkazgich til ildizini oldiga surib, havoga yo‘l ochadi. Havo o‘tkazgich o‘lchamini to‘g‘ri tanlash kerak (kalta bo‘lsa, tilni halqumga itarib yuboradi, kattasi ham maqsadga muvofiq emas). Shu bilan birga havo o‘tkazgich nafas yo‘llari o‘tkazuvchanligiga kafil bo‘lolmasligini esda tutish lozim. Havo o‘tkazgichni og‘izga burmasini pastga qilib kiritiladi, keyin 180°ga aylantiriladi. S -simon naycha bilan o‘pkaning sun’iy ventilatsiyasi o‘tkazilganda bir qo‘l bilan burun berkitiladi, ikkinchi qo‘l bilan og‘iz chetlari qisilib, germetikligiga e’tiborberiladi. Ambu qopchasi bilan ventilatsiya qilinganda havo o‘tkazgichdan foydalanish mumkin.