1980-yillar tarjimashunoshlik deb atalgan va tez qanot yoyib borayotgan fan uchun kuchayish davri bo‘ldi

5.8. XIX asrning ikkinchi yarmi va XX asrning boshlarida arab, fors-tojik tilidan tarjima qilingan asarlar

XIX asrning ikkinchi yarmi yangi tipdagi o‘zbek demokratik intelligensiyasi shakllana boshlagan davrdir. Bu davrda Ahmad Donish, Muqimiy, Abay, Furqat, Avazlar ijod qilishgan. 1868-yilda Toshkentda bosmaxona, 1874-yilda esa Xivada toshbosma tashkil etilgan. Bularda ko‘plab kitoblar, tarjima asarlari nashr qilina boshlangan. Rus adib va shoirlaridan A.S.Pushkin, I.A.Krilov va L.N.Tolstoylarning asarlari o‘zbek tiliga tarjima qilina boshlangan.

XX asrning boshlarida tarjimachilik ishlari yanada kengaydi. Bu paytda ma’rifatparvar yozuvchilar arab va fors tillaridan ko‘p asarlarni o‘zbek tiliga tarjima qilish bilan birga, rus tilidan ham ko‘plab asarlarni tarjima qildilar. Bu davrda O‘zbekistonda tarjima ishlari o‘tgan davrlarga qaraganda tez va jadal sur’atlar bilan o‘sdi.