16-lektsiya. Estetikaliq ha`m dene ta`rbiyası Estetikaliq ta`rbiyanin` tiykari, waziypalari, qurallari xa`m sho`lkemlestiriw protsesi xaqqinda uliwma tu`sinik

Dene ta`rbiyasinin` tiykarg`i qurallari xa`m ta`big`iy sharayatlari. Dene ta`rbiyasinin` tiykarg`i qurallari. 1. Dene shiniqtiriwlar degende biz dene ta`rbiyasinin` nizamliq xa`m waziypalarina muwapiq, arnawli sho`lkemlestirilgen xa`m sanali tu`rde orinlanatug`in qiymilli xa`reketlerdi tu`sinemiz. 2. Gimnastika. Bul tiykarg`i, gigienaliq, sport, ko`rkemlik, o`ndirislik, emlik bolip bo`linedi. Balalar oqiw bag`darlamasina muwapiq top, jip, tayaq, flajok penen ten` salmaq saqlaw, ju`riw, juwiriw, ilaqtiriw, akrobatikaliq shinig`iwlar islew arqali gimnastika menen shug`illanadi. 3. Oyin. Oyin balalardin` qiymilli xizmetlerge bolg`an talaplarin qanaatlandiradi. Oyinda dosliq, joldasliq bekkemlenedi, kollektiv bolip qa`weterleniw, bolisiw rawajlanadi. Baslawish klasslarda xa`reketli oyinlar, orta xa`m joqari klasslarda sport oyinlari qollaniladi. 4. Turizm-bul oqiwshilardi tuwg`an u`lkesinin` ta`biyati, tariyxi xa`m ma`deniyati menen tanistiriw ushin sho`lkemlestiriletug`in qidiriw, ekskursiya, poxod xa`m sayaxatlar bolip esaplanadi. Turistlik sayaxatqa shiqqan waqitlari oqiwshilar fizikaliq tayarliqti, ja`maatlik turmisti, basshiliq etiw xa`m bag`iniwdi, juwapkershilikti u`yrenedi. Turizm-jayaw, velosipedli, qarli ku`nleri shana yaki lijada, qayiqta, avtobusta iske asiriladi. 5. Sport. Bunin` fizikaliq ta`rbiyadan ayirmashilig`i onda ayirim fizikaliq shinig`iwlar boyinsha en` joqari na`tiyjelerge erisiledi. 6. Ta`biyg`iy sharayatlar. Ku`n, xawa, suw balalardin` den sawlig`in bekkemlewde ayriqsha orin iyeleydi. 7. Gigienaliq faktorlar. Bul fizkul`tura sabaqlarin gigienaliq ta`miynlewdin`, oqiw, dem aliw, awkatlaniw, uyiqlaw rejimlerin duris qollaniwdi o`z ishine aladi.