14-мавзу: менежментда бошқарув усуллари ва услублари режа

3.2. Амалий машғулотлари учун ўқув материаллари


1-мавзу: ҚИШЛОҚ ХЎЖАЛИГИНИНГ МАМЛАКАТ ИҚТИСОДИЁТИДАГИ ЎРНИ ВА АҲАМИЯТИ. ФАННИНГ ПРЕДМЕТИ, МАҚСАДИ, ВАЗИФАСИ ҲАМДА ТАДҚИҚОТ УСУЛЛАРИ
Режа:
1.1.Фаннинг предмети, мақсади ва вазифалари.
1.2.Фандаги фойдаланиладиган тадқиқот усуллари. Унинг бошқа фанлар билан бо ғлиқлиги.
1.3.Қишлоқ хўжалигининг республика иқтисодиётида тутган ўрни ва аҳамияти. Иқтисодиётни модернизасия қилиш шароитида аграр соҳани ривожлантириш тамойиллари.
1.4.Қишлоқ хўжалигининг ўзига хос хусусиятлари.


1.1.Фаннинг предмети, мақсади ва вазифалари. Дастлаб ―иқтисодиёт‖ тушунчаси хўжалиги юритишнинг қонуниятлари ва уй хўжалигини бошқариш санъати маъноларида муҳим аҳамият касб этган. Ишлаб чиқариш кучларининг ривожланиши, иқтисодиётнинг турли тармоқларининг шаклланиши натижасида ушбу тушунчанинг маъно-мазмуни анча кенгайиб, ўзгариб борди.
Бу қуйидагиларда акс этади:
Биринчидан, иқтисодиёт – бу жамиятни моддий бойликлар ва хизматлар билан таъминловчи иқтисодиёт тармоқларининг мажмуидир.
Иккинчидан, иқтисодиёт – бу ишлаб чиқариш жараёнида вужудга келадиган ишлаб чиқариш муносабатларидир.
Ишлаб чиқариш муносабатлари-моддий неъматларини ишлаб чиқариш, тақсимот, алмашув ва истеъмол жараёнларида одамлар (гуруҳлар, жамоалар, тоифалар) ўртасида вужудга келадиган муносабатлардир. Ишлаб чиқариш муносабатлари иқтисодий қонунлар орқали тартибга солинади. Иқтисодий қонунлар деганда, иқтисодий ҳодиса ва жараёнлар ўртасидаги доимий такрорланиб турадиган ўзаро бо ғлиқ алоқалар тушунилади.
Жамиятнинг, шунингдек иқтисодий субъйектларнинг ривожини қуйидаги қонунлар тизими аниқлаб беради: қиймат қонуни, талаб қонуни, таклиф қонуни ва бошқалар.
Ривожланган ишлаб чиқариш муносабатлари ишлаб чиқариш кучларидан самарали фойдаланишга ёрдам беради. Ишлаб чиқариш кучлари - бу меҳнат қилиш жараёнида ишлаб чиқариш воситаларини ҳаракатга келтира оладиган инсонлардир.