13-Мавзу: машиналарни ишқаланиш узелларини ишлатишдаги ейилишга бардошлилиги режа

13.6. Трансмиссия деталларининг ейилиши

 

• Трансмиссиянинг хизмат муддати узатмалар, орқа кўприк, борт узатмасининг тез ейилувчи деталларининг хизмат муддати билан чекланади. Бундай деталлар қаторига шестерниялар, валлар, муфталар, подшипниклар киради. Кўрсатиб ўтилган деталлардан энг катта ейилишга учрайдиганлари тишли ғилдираклардир.
• Тишли ғилдирак тишларининг сиртлари сирпаниб думалаш шароитида ишлайди, бунда тишларнинг ейилиш жараёнида минерал абразив заррачалар муҳим рол ўйнайди. Бундай заррачалар трансмиссиянинг барча узелларига бемалол кириб боради. Тишларнинг ишқаланиш сиртига тушувчи абразив заррачалар уларнинг ейилиш характерини белгиловчи асосий омил ҳисобланади. А.Иргматериалвнинг тадқиқотлари бўйича кўпчилик ҳолларда трансмиссиядаги шестерня тишларининг ейилиши абразив ейилиш бўлиб, унга чарчашдан ейилиш ва айрим ҳолларда ёпишиб қолиш ҳамроҳлик қилади.

13.7. Машиналар юриш қисми деталларининг ейилиши

• Машиналарнинг юриш қисми жуда оғир шароитда ишлайди. Унга катта миқдордаги юкланиш, ҳавонинг чанглилик даражаси юқори бўлиши, мойни юқори даражада ифлосланиши, кўп ҳолларда ёмон сифатли мойда ишлаши киради. Шунинг учун машиналар юриш қисми деталларининг етакчи ейилиш тури абразив ейилишдир.
• Юриш қисмининг кўпроқ ейиладиган деталлари билан танишамиз. Гусенисали тракторларда бундай деталлар қаторига таянч ғалтаклари, ушлаб турувчи роликлар, етакловчи ва етакланувчи занжирли узатма ғилдираклари, гусениса звенолари, зичлагич халқалари, думалаш ва сирпаниш подшипниклари, ўқ ва вал бўйинлари киради. Ғилдиракли тракторларда эса ўқларнинг ишқаланувчи бирикмалари, думалаш подшипниклари, пневматик шина протекторлари кўпроқ ейилади.

13.8. Гидравлик тизим деталларининг ва машина ишчи органларининг ейилиши

• Гидравлик тузумнинг ишончлилигини ва ишлаш даврини кўп жиҳатдан гидрофисирланган машинанинг ишончлилиги ва иш унумдорлиги аниқлайди. Гидравлик тузум деталлари юқори босим (10-11 мпа гача ва ундан ҳам юқори) ва ҳароратда (ишчи суюқлик ҳарорати 80-100оС гача етиш мумкин) ишлайди. Гидравлик тузумнинг ишчи суюқлик оксидланиши натижасида ифлосланади.
• Гидравлик тузумнинг кўпчилик деталларининг етакчи ейилиш тури бўлиб абразив ейилиш ҳисобланади, унга гидроабразив ва кавитасион ейилишлар ҳамроқлик қилади.
• Гидравлик насосларда етакловчи ва етакланувчи шертернялар (тишлари ва сапфалари), втулкалар (ички диаметри ва четги сиртлари), насос корпуслари (сўриш камераси сиртлари) кўпроқ ейилади.