13- mavzu: sanoat menejmentining tashkiliy strukturasi

2-jadval.

Funksional strukturaning ijobiy va salbiy tomonlari.

Salbiy tomonlari

Ijobiy tomonlari

Bunda boshqaruv faoliyati chuqur ixti-soslashadi. Bu esa boshqaruv Samara-dorligining, kasb mahorati daraja-sining o’sishini taminlaydi. Masa-lan, marketing mutaxassisi o’z sohasi-ni boshqa yuqori organ rahbarlaridan ko’ra yaxshiroq biladi va bu ishni yuqori saviyada bajaradi. Funksional sohada muvofiqlashti-rish ishini yaxshilashga erishiladi. Xizmatchilar bunda yaxshi va tez ko’nikma hosil qiladilar. Moddiy xarajatlar kamayadi va boshqarishdagi takrorlanishlarga chek qo’yadi va h.k.z.

Funksional organlar o’ziga topshiril-gan funksiyalarni sifatli bajarish-dan mafaatdor bo’lib, «begona» funksiyalar uchun ham, butun korxonaning umumiy faoliyati uchun ham javob bermaydi. Bunda har bir rahbar o’z funksiyalari bo’yicha farmoyish berish hu-quqiga ega bo’ladi. Binobarin, bu: YAkkaboshchilik tamoyillarining buzi-lishiga; Ijrochilar masuliyatining susayishiga olib keladi, chunki ijrochi bir boshliqqa emas, bir necha boshliqqa bo’ysunadi, ko’pincha ulardan bir-biriga zid ko’rsatmalar oladi.

Funksional strukturadagi qayd qilingan kamchiliklar, yani:

• 
  Funksional bo’limlar ishlashlarini muvofiqlashtirish darajasining yuqori emasligi;
  
• 
  Rahbarlar vazifalari va huquqlarining etarli darajada muvofiqlashmaganligi;
  
• 
  Ishning pirovard natijalari uchun aniq va masul xodimlarning yo’qligi;
  
• 
  Funksional bo’linmalar o’rtasida ish yuzasidan nizolarning mavjudligi;
  
• 
  Boshqaruv apparatida ishga to’ralarcha munosabatda bo’lish hollarining mavjudligi kabilarni bartaraf etish uchun chiziqli-funksional (aralash) turdagi boshqaruv strukturasi tuziladi.
  

Chiziqli-funksional boshqaruv strukturasida asosiy boshqaruv chiziqli boshqaruv bo’lib hisoblanadi. Barcha boshqaruv bosqichlari va mustaqil uchastkalar o’z rahbariga ega bo’ladi. Rahbar ishlab chiqarish xo’jalik faoliyatini yakkaboshchilik asosida boshqarish huquqiga ega bo’ladi va faoliyat natijalari uchun to’la javobgar hisoblanadi. Boshqaruvning chiziqli struktura sharoitida ishlaydigan rahbarlarga malakali yordam ko’rsatish uchun funksional va idoraviy tashkilotlar tashkil etiladi va bu tashkilotlarning vazifasi boshqaruv qarorlarini tayyorlash va rahbarlarga malakali yordam berishdan iborat.

Chiziqli-funksional prinsip asosida qurilgan struktura. Bu turdagi struktura keng tarqalgan bo’lib, ishlab chiqarish jarayoniga nisbatan rahbarlikning birdamligi (chiziqli aloqa) va chiziqli bo’limlarga nisbatan funksional bo’limlarning ularning omilkorliklari bilan ixtisoslashuvi bilan xarakterlanadi. Bu erda yakkaboshchilik prinsipi amal qiladi va bir paytning o’zida boshqaruv vazifalari funksional taqsimlanadi, bu esa vazifaning samarali va sifatli bajarilishiga ko’maklashadi.

Chiziqli-funksional struktura katta bo’lmagan va o’rta tashkilotlarda qo’llaniladi. Agar tashkilot barqaror ishlab chiqarish xarakteriga ega bo’lsa, katta bo’lsada mazkur struktura qo’llaniladi.

Chiziqli-funksional strukturaning kamchiliklari:

• 
  Funksional xizmat miqdorining tez o’sishi va boshqaruvning qiyinlashuvi.
  
• 
  Gorizontal aloqalarning yomon nazorat qilinishining o’sishi.
  
• 
  Maqsadlarning o’z mohiyatini yo’qotishi.
  
• 
  Funksional xizmatlarga boshqarish funksiyasini berish natijasida, bir-biriga qarama-qarshi farmoyishlarning vujudga kelishi va yakka hokimlik tamoyilining buzilishi.
  
• 
  Kelishuvlar va yig’ilishlar miqdorining o’sishi.
  
• 
  Yangiliklarga moslashishning qiyinlashuvi.
  
• 
  Yuqori darajadagi rahbariyatdan operativ muammolarni hal qilishda katta miqdordagi ishni talab qiladi.
  

Bugungi kunda zamonaviy korxonalar faoliyatidagi ko’pgina muammolarni hal etish gorizontal bo’yicha kelishib olishni va muvofiqlashni talab etadi. Masalan, korxona yangi turdagi mahsulot ishlab chiqarishga o’tadigan bo’lsa:

• 
  Materiallarni sarflashning yangi meyorini ishlab chiqish;
  
• 
  Mehnat meyorlarini qayta ko’rib chiqish;
  
• 
  Turli kasblardagi ishchilarni tayyorlash va qayta tayyorlash;
  
• 
  Yangi materiallarga ehtiyojni aniqlash;
  
• 
  Etkazib beruvchilar bilan aloqa o’rnatish;
  
• 
  Yangi texnologiya va texnikani joriy etish va boshqalar.
  

Bularni mazmun va muddatlariga ko’ra kelishib olish, ishlab chiqarishning ko’pgina unsurlarini tutashtirish ishlarini turli xizmatlar bajaradi. Goho funksional xizmatlar o’rtasidagi bu gorizontal aloqalar juda cho’zilib ketadi, bahs va nizolar bilan amalga oshiriladi. Chiziqli struktura rahbari esa ko’p sonli bo’linmalar ishini muvofiqlashtirishga juda qiynaladi. Bu muammolarni yangi tashkiliy boshqaruv strukturalarini tuzish yo’li bilan, aniqrog’i, chiziqli-funksional boshqaruv strukturalariga tuzatishlar kiritish yo’li bilan hal etiladi. Bunday struktura dasturli-maqsadli struktura deb ataladi. U quyidagi ko’rinishga ega (7-chizma).

Bunday struktura quyidagi uch ko’rinishda bo’ladi:

• 
  Loyiha bo’yicha boshqaruv;
  
• 
  Mahsulot bo’yicha boshqaruv;
  
• 
  Matrisaviy struktura.
  

Loyiha bo’yicha boshqaruvdan yangi texnika va texnologiyani qisqa muddatda joriy qilish zaruriyati tug’ilgan hollarda foydalaniladi. Bunda vaqtinchalik maxsus xizmat bo’limi tuzilib, unga resurslar beriladi. Bu bo’lim loyiha tayyorlaydi va uning ijro etilishini nazorat qiladi. Ish bitgandan keyin loyihalar guruhi tugatiladi.

Loyiha bo’yicha boshqaruv muntazam rahbarlikni aniqlashtiradi, kichik bo’laklarga ajratadi yoki to’ldiradi. U loyihani bajarish uchun korxonaning barcha funksional xizmat va bo’linmalari faoliyatini muvofiqlashtiruvchi organ hisoblanadi. Bu organga tegishli huquqlar beriladi va vazifalarning bajarilishi uchun to’la javobgar hisoblanadi.

V₁

A B V
PM

7-chizma. Boshqarishning dasturli-maqsadli strukturasi.

Loyiha bo’yicha boshqaruv ko’p nomenklaturali ishlab chiqarishda tuziladi. Loyiha rahbari maxsus vakolatga ega bo’lib, texnologik operasiyalarni bo’g’inlar, ishchilar o’rtasida taqsimlaydi, uning bajarilishini nazorat qilib boradi. CHiziqli rahbarning bu ishlarga oid buyruqlari loyiha rahbari bilan kelishiladi. Bunda ish bajaruvchi ikki va undan ortiq rahbarga ega bo’lib, rasmiy jihatdan ularga bo’ysunadi. Masalan, texnik topshiriqlarni u sex boshlig’idan, operasiyalarni bajarish jarayonida esa ko’rsatmani mutaxassisdan, loyiha rahbaridan oladi.

Loyihali strukturaning qo’llanilishi ikki kishiga bo’ysunish muammosini hal etadi, chunki bu strukturada mutaxassis vaqtinchalik o’z bo’limidan olinib loyiha bo’limi rahbariga topshiriladi (8-chizma).

Mahsulotli (divizional) struktura. Tashkilot miqyosining kengayishi bilan chiziqli-funksional strukturada ko’pgina kamchiliklar vujudga keladi va eng asosiysi mehnat natijasi va foydaning bir qismini tasarruf etish huquqi orasidagi aloqa yo’qoladi. Bu esa ishchilarni samarali motivlashtirishga to’sqinlik qiladi.

8-chizma. Loyihali struktura.

Bundagi muammolarni bartaraf etish uchun mahsulotli prinsipga asoslangan tashkiliy strukturani tuzish kerak. Mahsulotli strukturaning umumiy prinsipi 7.9-chizmada ifodalangan. Bundan ko’rinib turibdiki, ko’pgina funksional bo’limlar firma darajasida markazlashgan va barcha ishlab chiqarish bo’limlariga xizmat qiladi. Bundan tashqari ishlab chiqarish strukturasida yangi mahsulotni ishlab chiqarish, sotish, buxgalteriya bo’limlari bor, ular faqat o’z mahsuloti uchun ishlaydi.

9-chizma. Mahsulotli tashkiliy strukturasi

Mahsulotga ko’ra boshqaruvning afzalligi axborotlarning kelish yo’llari va oqimining qisqarishida, yakka boshchilik tamoyiliga to’la rioya qilinishida, boshqarishning yuqori bosqichlarini mayda joriy vazifalardan xalos qilishda namoyon bo’ladi. Bunday struktura bozorda talabning o’zgarishiga tezkor munosabat bildirishga qodir.

Mahsulotli strukturaning asosiy ustunliklari: tashqi muhitga tez moslashish, mahsulot xarid qiladigan istemolchilar ehtiyojini yuqori darajada qondirish, xodimlarning mahsulot ishlab chiqarish bilan mosligi va yuqori darajadagi motivasiya.

Kamchiliklari: markazlashgan funksional xizmatlar hisobidan xodimlar soni oshadi, umumiy maqsadlarga erishish qiyinlashadi.

Alohida mahsulot bo’limlariga qo’llaniladigan turli xildagi moliyaviy mustaqillik ko’rinishlari mavjud. Bu bankdagi firma hisob raqami doirasida subschetning ajratilishi; bankdagi maxsus korrespondensiya schetining ajratilishi; mustaqil yuridik shaxs sifatida hisob raqamining ajratilishi.

Matrisali va loyihali struktura. Matrisali struktura bo’yicha boshqarish ancha murakkab bo’lib, u mahsulot nisbatan qisqa «umr» ko’radigan va tez-tez o’zgarib turadigan korxonalar tomonidan qo’llaniladi. Bu struktura korxonada gorizontal aloqalarni yo’lga qo’yishga va ularni murakkab buyurtmalarni bajaruvchi turli xil korxonalar faoliyati bilan kompyuterlar yordamida bog’lashga, texnika sohasida yuqori malakali xizmat ko’rsatishga va ekspertizani taminlashga qaratilgan. Bu strukturani «To’r» ko’rinishida tasavvur qilish mumkin.

U ikki turdagi strukturaning:

Funksional struktura;

Mahsulot bo’yicha strukturalar kombinasiyasini ifodalaydi.

Boshqarishning matrisaviy strukturasining mohiyati shundaki, unda har bir xodim, ayni bir vaqtning o’zida, loyiha bo’yicha boshqarishda, shuningdek, o’zining funksional organida xizmatda bo’ladi hamda ikkiyoqlama bo’ysunadi.

10-chizma. Matrisali struktura.

Matrisali strukturani qo’llashning asosiy sabablari:

yangi mahsulot ishlab chiqarish va uning sifatiga bo’lgan yuqori talab;

resurslarni taqsimlash imkoni bo’lmaganda uni samarali qo’llash usullari.

Matrisali struktura chiziqli-funksional struktura doirasida qo’llaniladi, bu vaqtinchalik tashkiliy shakl bo’lib, maqsadli muammolarni echishga yo’naltiriladi. Matrisali struktura mutaxassislarning ikkilanma bo’ysunishida xarakterlanadi, yani bevosita bo’lim boshlig’iga va loyiha boshlig’iga bo’ysunadi.

Ustunliklari: o’zgarishlarga moslashishga qodirligi, resurslarni samarali ishlatish, professionalizmning o’sishi; yuqori rahbariyatning operativ muammolar echimidan xoli etilishi.

Kamchiliklari: ikki kishiga bo’ysunish kelishmovchiliklarga va xaosga olib keladi; hoqimiyat uchun kurash jadallashadi; xodimlarning malakasiga bo’lgan yuqori talab namoyon qilinadi.

Boshqarishning matrisaviy strukturasining mohiyati shundaki, unda har bir xodim, ayni bir vaqtning o’zida, loyiha bo’yicha boshqarishda, shuningdek, o’zining funksional organida xizmatda bo’ladi, hamda ikkiyoqlama bo’ysunadi.

Xoldingli struktura. har xil tashkilotlar tarmoqlar bo’yicha guruhlarga, yani xoldinglarga birlashadilar. Xoldingli strukturada katta kapitalni jamlash va asosiy muammolarni hal etishda moliyani konsentrasiyalash imkonini beradi. Xolding doirasida ixtisoslashish va aniq turdagi mahsulot ishlab chiqarishga moslashish prinsipi amal qiladi, bu esa xoldingda raqobat muhitini kamaytiradi.

Tashkilotning yuqori rahbariyati. har qanday struktura uchun yuqori rahbariyat tushunchasi bir xil, unga quyidagilar xos: tashkilotning birinchi rahbari, uning muovini va bosh bo’limlarining rahbarlari. Birinchi rahbar va uning muovinlari ko’pincha yuqori rahbariyat komandasi deb ataladi. Bosh bo’lim rahbarlari va birinchi rahbarning muovinlari asosiy personal komandasiga kiradi. Birinchi rahbar yuqori rahbariyat komandasi bo’ladi.

Aytilgan har bir pog’onaning strukturali tashkil etilishi turli xil omillardan bog’liq:

• 
  birinchi rahbarning boshqarish uslubi;
  
• 
  boshqaruv tashkiliy strukturasining turi;
  
• 
  asosiy personal komanda azolarining shaxsiy va professional xususiyatlari.
  

Birinchi rahbar qanchalik malakali bo’lsa, shunchalik u malakali muovinlarni tanlaydi. Asosiy personal komandasining faollik darajasi strategik muhim bo’lgan qarorlarni qabul qilishda qatnashishiga bog’liq, yoki bu birinchi rahbarning asosiy personal komandasiga o’z vakolatining qancha qismini ajratganiga va guruhdagi odamlarning o’z maqsadlarini tashkilot maqsadlari bilan bog’lashlariga asoslanadi. Bu turdagi jarayon birinchi rahbarning kollegial usulda boshqarishiga xosdir. Agar birinchi rahbar avtoritar uslubda boshqarsa, unda asosiy muammolarni faqat o’zi hal qiladi va hattoki boshqa guruhdagilarga ham axborot berib o’tirmaydi.

Barqaror ishlab chiqarish va chiziqli-funksional turdagi struktura amal qiladigan tashkilotlarda asosiy personal komandasida katta ijro funksiyasini talab etadi. Divizional strukturada asosiy personal komandasi boshqaruv qarorlarini qabul qilishda faol qatnashishadi, unda boshqaruv samardorligi oshadi.

Boshqarishning tashkiliy strukturalari to’g’risida yakuniy xulosa chiqarar ekanmiz, quyidagilarga alohida etibor berilishi lozim deb hisoblaymiz. Boshqarishning ko’rib chiqilgan tashkiliy strukturalaridan birortasini ham rasmiy struktura deb bo’lmaydi. SHuning uchun har bir korxona (firma) o’z oldidagi maqsad va iqtisodiy muhitning o’ziga xos xususiyatlaridan kelib chiqib, o’z talablarini yuqori darajada qondiradigan tashkiliy struktura turini o’zi tashlashi kerak.

2.