12-Mavzu Lokomotiv xо’jaligi haqida umumiy ma’lumotlar Reja

Tiklagich va о’t о’chirish poyezdlari

Ba’zi katta stansiyalarda, asosan lokomotiv xо’jaligi xududida avariya va halokatlarning oldini olish uchun maxsus о’t о’chirish va tiklash poyezdlari turadi. Tiklovchi vositalar tizimi tiklash poyezdlari, avtodrezinalar va yо’l, kontakt tarmoqlari, aloqa tarmoqlarini tiklash uchun avtodrezina va avtomobillardan iborat bо’ladi. Bular temir yо’llarda sodir bо’lgan halokat va avariyalar oqibatini bartaraf etish uchun xizmat qiladi. Bu poyezdlar tarkibida katta kuchli kо’tarish kranlari, sanitar vagoni, yopiq vagonlar va kо’tarma kranli platformali transport mashinalari, asbob – anjomlar va yо’l ustki tuzilmasi ehtiyot qismlari bо’ladi. Bu poyezdlarga doimiy ishchilar poyezd boshlig’ining rahbarligida biriktiriladi. Shuningdek, avariya bо’yicha dala brigadalari, ishlaydigan depo slesarlari, elektromexaniklar va temir yо’l ishchilari biriktirib qо’yiladi. Bu tiklash – ta’mirlash poyezdlari stansiyaga yaqin yо’llarda har tarafga darhol jо’nab ketadigan yо’llarda xizmat kо’rsatish uchun tayyor holda saqlanadi. Yong’inga qarshi kurashish poyezdlari о’zining tarkibida sisternalar va qudratli nasoslar, hamda о’t о’chirish qurilmalariga ega bо’ladi. Ularning hammasi tezkorlik bilan yong’inni bartaraf etishga qaratilgan.

Nazorat savollari

1. Lokomotiv xо’jaligining vazifalari qanday? Lokomotiv xо’jaligining asosiy ishlab – chiqarish bо’limlariga nimalar kiradi va ular temir yо’llarda qanday asosda joylashadi?

2. Lokomotiv deposining vazifasi va turlari qanday? Deponing asosiy inshootlari va tuzilishi?

3. Lokomotiv deposida qanday ishlar olib boriladi? Lokomotivlarni ta’mirlash va ta’minlash (ekipirovka) ishlari nima va qanday bajariladi?

4. Temir yо’llarda tiklash va о’t о’chirish poyezdlarining vazifasi nima, ular qayerda joylashadi va ishga qanday shaylanadi?