12-Mavzu Lokomotiv xо’jaligi haqida umumiy ma’lumotlar Reja

Lokomotiv deposi lokomotiv xо’jaligidagi asosiy ishlab chiqarish birligi bо’lib, ular uchastka, saralash va yirik yо’lovchi stansiyalarida quriladi. Yuk va yо’lovchi poyezdlari uchun biriktirilgan lokomotivlar parki bо’lgan, lokomotiv binolari, ustaxonalar va boshqa ta’mirlash va texnik xizmat kо’rsatish jihozlari bо’lgan, lokomotivlarni joriy ta’mirlash, ularga texnik xizmat kо’rsatish va ekipirovka qurilmalari bilan jihozlangan depolar asosiy depo deb ataladi.

Ta’mirlash ishlarini tashkil qilishni takomillashtirish va ishlab - chiqarish kuchlaridan unumli foydalanish maqsadida temir yо’llarda ta’mirlash bazalari – ta’mirlash va lokomotivlar turlari bо’yicha ixtisoslashtirilgan depolar ham bunyod etiladi. Masalan, lokomotivlarni kо’tarma (podyomochnо’y) ta’mirlash о’ta yirik va tegishlicha jihozlangan depoda bajarilib, boshqa depolar ushbu turdagi ta’mirlash ishlaridan ozod etilishi mumkin. Bunday katta ta’mirlash bazalari о’zining biriktirilgan lokomotiv parkiga ega bо’lmasliklari ham mumkin.

Lokomotiv tortish turi bо’yicha depolar quyidagicha bо’linadi: teplovoz, elektrovoz, motorvagon, dizel, parovoz va aralash depolar. Katta temir yо’l uzellarida yuk va yо’lovchi lokomotivlarini ta’mirlovchi alohida depolar qurilishi mumkin.