12-mavzu: Ekskursiya rahbari – gidga qo‘yilgan talablar

Tayanch so‘z va iboralar: ekskursiya xizmatini tayyorlash jarayoni, ekskursiya xizmatining maqsadi, vazifasi, mavzusi, ekskursiya mavzusi ma’lumoti manbalari, ekskursiya mavzusining asosiy va individual matni, mantiqiy o‘tishlar, «gid portfeli».


Mustaqil ishlash uchun savollar:

1. 
   Yangi ekskursiya mavzusini tayyorlash bosqichini tushuntiring.
   
2. 
   Ekskursiya xizmatining maqsadini belgilashda nimalarga e’tibor qaratish lozim?
   
3. 
   Mantiqiy o‘tishlarga misollar keltiring.
   
4. 
   «Gid portfeli» ning mohiyatini tushuntiring.
   
5. 
   Viloyatingiz bo‘ylab o‘tkazish mumkin bo‘lgan 3 ta ekskursiya mavzusiga misollar keltiring.
   

Amaliy mashg‘ulotlarga tayyorgarlik ko‘rish uchun topshiriqlar:
Topshiriqlarni kichik guruhlarga bo‘lingan holda bajaring. O‘zingiz uchun qiziq bo‘lgan ekskursiya mavzusini tayyorlang. Uning mavzusi, maqsad va vazifasi, nomini aniq belgilang. «Gid portfeli» uchun zaruriy ko‘rgazmali vositalarni o‘qituvchi bilan muhokama qiling.


Test savollari:
1. Ekskursiya xizmatini tayyorlash bu:
a) shahar va hududlarning ekskursiya imkoniyatlaridan kelib chiqib, turistik korxonaning doimiy mijozlari ehtiyojiga asoslangan holda, ekskursiyaga yangi mavzular ishlab chiqishdir.
b) vatanparvarlik, mehnatni sharaflash, estetik va ekologik tarbiya, shahar tarixi va uning davlat iqtisodiyotiga qo‘shgan hissasini o‘rganish, o‘lka tabiati bilan tanishish va boshqalar bo‘lishi mumkin.
d) vaqtinchalik bo‘ladigan mamlakatda sayohatchilarni sayyohlik resurslari bilan tanishtirish maqsadidagi faoliyatni tashkillashtirish bo‘lib, bunda joylashtirish yuzasidan xizmat ko‘rsatish nazarda tutilmaydi.
e) o‘z davlati chegarasi doirasida doimiy yashovchi fuqarolarni vaqtinchalik tashrif buyuruvchi joyda (to‘lanadigan faoliyatsiz) turistik maqsadlarda sayohat qilishga aytiladi.