Mavzu. Ekskursiya xizmatini tashkil qilish fanining maqsadi va vazifalari Reja

Mavzu. Ekskursiya xizmatini tashkil qilish fanining maqsadi va vazifalari


Reja

1. 
   Bob Ekskursiya xizmatini tashkil qilish fanining maqsadi va vazifalari
   

1.1. Ekskursiya xizmatining mazmuni va mohiyati
1.2. Ekskursiya xizmati muloqot shakli sifatida
1.3. Ekskursiya xizmati pedagogik jarayon sifatida
II. Bob Ekskursiya xizmatining funksiyalari, xususiyatlari va ekskursiya xizmatini tasniflash
2.1. Ekskursiya xizmatining asosiy funksiyalari
2.2. Ekskursiya xizmatining xususiyatlari
2.3. Ekskursiya xizmatini tasniflash
III. Bob Ekskursiya xizmatini tayyorlash texnologiyasi
3.1. Yangi ekskursiyani tayyorlash jarayoni
3.2. Ekskursiya xizmatining maqsadi, vazifasi va mavzusini aniqlash
3.3. Ekskursiya xizmati ma’lumotlari uchun manbalar izlash
3.4. Ekskursiya xizmatining asosiy va individual matnini tayyorlash
Xulosa
Foydalanilgan adabiyotlar

KIRISH
Respublikamizda turizm sohasini rivojlantirish uchun barcha zarur manbalar mavjud. Buyuk Ipak yo‘li ustida joylashgan Vatanimiz qulay tabiiy-iqlim sharoitlariga, boy tarixiy, madaniy merosga va ayni paytda ham ichki va ham xalqaro turizmni rivojlantirish uchun yuqori salohiyatga ega.
Mamlakatni modernizatsiya qilish sharoitida turizm va mehmondo‘stlik sohasidagi yechimini kutib turgan masalalardan biri malakaviy talablarga javob bera oladigan kadrlarni tayyorlashdir.
Turizm sohasida ekskursiya xizmati asosiy xizmatlardan biri hisoblanadi. Tashrif buyurgan turist eng avvalo mamlakatning tarixi, madaniyati, ijtimoiy hayoti, tabiiy resurslari bilan tanishishni, tomosha qilishni xohlaydi. Ekskursiya xizmati o‘zining ko‘rgazmaliligi, mazmundorligi, hissiyotliligi bilan ekskursantlarning ma’naviy dunyoqarashi shakllanishiga ta’sir ko‘rsatadi.
«Ekskursiya xizmatini tashkil qilish» fani «Turizm (faoliyat yo‘nalishlari bo‘yicha)» va «Mehmonxona xo‘jaligini tashkil etish va boshqarish» yo‘nalishi bo‘yicha ta’lim olayotgan talabalar uchun mutaxassislik fani sifatida ahamiyatlidir. Ushbu kursdan talabalar turizm sohasida ekskursiya xizmatlarini sifatli tashkil qilish haqida zaruriy ma’lumotlarga ega bo‘ladilar.
«Ekskursiya xizmatini tashkil qilish» fanini o‘qitishdan maqsad - talabalarni mamlakatimizning boy tarixiy merosi, ekologik-rekreatsion hududlari, ishlab- chiqarish ob’ektlari, ziyoratgohlarida sifatli, xavfsiz ekskursiya xizmatlarini tashkil etish hamda, ulardan turizm sohasida samarali foydalanish bo‘yicha bilimlar berishdir. Shuni ham ta’kidlab o‘tish joizki, fan bo‘yicha hozirda lotin alifbosida darslik va o‘quv qo‘llanmalarning yetishmasligini hisobga olgan holda va turizm ta’limi yo‘nalishlari bo‘yicha Samarqand iqtisodiyot va servis instituti Respublikada tayanch oliy dargoh bo‘lganligi tufayli, mualliflar tomonidan tayyorlangan ushbu o‘quv qo‘llanma ekskursiya xizmatini tashkil qilishni o‘qitishda boshqa oliy o‘quv yurtlari va turizm kollejlari talabalariga yaqindan yordam beradi degan fikrdamiz.