100 йиллигига бағишланади Муминов Н. Г

Пластмассалар
– кенг номенклатурага эга бўлган сунъий 
полимер маҳсулотлар бўлиб, улар сифат жиҳатдан табиий 
материаллар билан тенглашибгина қолмай, балки кўп ҳолларда 
улардан устунлик ҳам қилади
51
. Улар юқори мустаҳкамлик, электр 
ўтказмаслик, енгиллик, қаттиқлик, эгилувчанлик, тиниқлик, каррозияга, 
кислотага, иссиқликка чидамлилик, кам едирувчанлик каби сифатларга 
эга ва механик ишлашнинг турли усулларига енгил мослашади. 
Мамлакатимиз пластмассалар ишлаб чиқариш учун кенг хомашѐ 
ресурсларига эга, чунки пластмассалар учун табиий ва нефть гази, 
нефтни қайта ишлаш ва коксохимия саноати чиқиндилари, ѐғочни 
кимѐвий ишлаш маҳсулотлари, енгил ва озиқ-овқат саноати ва қишлоқ 
хўжалигининг турли хил чиқиндилари хомашѐ бўлиб хизмат қила 
олади. 
Синтетик каучук
– резина, резина-техника ва уй-рўзғор 
буюмлари ишлаб чиқариш учун ягона хомашѐдир. Синтетик каучук 
табиий каучукка нисбатан ўн минглаб маротаба тезроқ ишлаб 
чиқарилади. Табиий каучук бир неча хусусиятга эга бўлса, синтетик 
каучук беҳисоб хусусиятларга эга. Ҳар бири бир неча маркали бир 
неча тур каучукларга бўлинади. 
Сунъий ва синтетик толалар саноатнинг хомашѐ базасини 
кенгайтириш билан бирга, турли техник ва кийим-кечак газламалари, 
электр изоляция материаллари, кабеллар ва канатлар, балиқ тутиш 
тўрлари ва бошқа буюмлар ишлаб чиқаришда кенг қўлланилади. 
Иқтисодиѐтда сунъий чарм ўрнини босувчи материаллар катта 
аҳамиятга эгадир. Чунки пойафзал саноатининг ўсиш суръатларини 
амалга ошириш учун табиий чарм ресурслари етарли эмас. Сунъий 
чарм ва чарм ўрнини босувчи материаллардан пойафзалнинг айрим 
деталларини тайѐр ҳолда ишлаб чиқаришнинг мумкинлиги пойафзал 
саноатини автоматлаштириш, ишлаб чиқариш циклини қисқартириш, 
технологик жараѐнларни такомиллаштириш ва натижада пойафзал 
саноатининг техник-иқтисодий кўрсаткичларини яхшилаш имконини 
беради. 
51
Ортиқов А. «Саноат иқтисодиѐти». Ўқув қўлланма. – Т.: ТДИУ, 2006 – Б.148. 

---

189