10. Фан тушунчаси. Фан тараққиётининг асосий босқичлари. Фаннинг кўп функциялари

XVI-XVII асрлар - 1-илмий инкилоб даври булиб, у классик фан даври деб номланади ва XIX асргача давом этади. У Коперник ва Галилей тадкикотларидан бошланиб, Ньютон ва Лейбницнинг физика ва математика сохасидаги фундаментал асарлари билан ўз чўққисига кўтарилган. Галилей вафоти (1642 йил 8 январь)дан сўнг орадан бир йил ўттач, Ньютон туғилгани (1643 йил 4 январь) рамзийдир. Фаннинг бу буюк ижодкорлари яшаган давр -кашфиётлар хамда янги илмий гояларнинг муаллифлари схоластика ва диний дунёкараш догматизмига карши кураш олиб борган романтик даврдир.
Бу даврда хозирги вақт табиатшунослигининг асослари яратилган. Хунармандлар, табиблар, алхимихлар томонидан қўлга киритилган айрим далиллар тизимли тахлил қилиниб, умумлаштирила бошлаган. Илмий билим тузишнинг табиат қонуиларини математик таърифлаш, назарияларни тажрибада синаш, тажрибада асосланмаган диний ва натурфалсафий догмаларга танқидий қараш билан боғлиқ бўлган янги меъёрлари ва идеаллари вужудга келган. Фан ўз методологиясини яратган ва амалий фаолият эхтиёжлари билан боғлиқ бўлган масалаларни ечишга тобора фаолроқ йўналтирилган.

Бирох фан ўзининг янги методологиясини яратиб, амалиёт рухи билан суғорилгани сари у ўз тарихий ватани – фалсафа қирғокдаридан узокдаша бошлайди. Кўриб чиқилаётган давр охирига келиб у фалсафий, диний, технологик ақидалардан қатъи назар ривожланиши мумкин бўлган билимлар тизими сифатида тушунила бошлайди. Натижада фан фаолиятнинг алохида, мустахил сохасига айланади. Профессионал олимлар пайдо бўлади, уларни тайёрлаш амалга оширилувчи университет таълими тизими ривожланади. Ўз фаолияти, мулоқот ва ахборот айирбошлашнинг алохида шакллари ва қоидаларига эга бўлган илмий хамжамият вужудга келади.

XVII асрда дастлабки илмий академиялар: Лондон қироллик жамияти (1660), Париж Фанлар ахадемияси (1666) ташкил топади. Кейинрох Берлинда (1700), Санкт-Петербургда (1724), Стокгольмда (1739) ва Европанинг бошқа пойтахт шахарларида илмий академиялар таъсис этилади. Бу академияларнинг энг йириги - Лондон қироллик жамияти бўлиб, у ташкил этилган пайтда 55 аъзодан иборат бўлган. Париж Фанлар академияси 21 кишидан иборат таркибда иш бошлаган. Санкт-Петербург академиясининг аъзолар штатида дастлаб 11 киши белгиланган. Европа мамлакатларида XVIII аср бошига келиб олимлар сони бир неча минг кишига етган.