1-variant. 9-sinfda nutq o‘stirishga qaratilgan mashq va topshiriqlar ishlab chiqish mashg‘ulotning maqsadi

4-laboratoriya mashg‘uloti uchun topshiriqlar
22-variant.
9-SINFDA NUTQ O‘STIRISHGA QARATILGAN MASHQ VA TOPSHIRIQLAR ISHLAB CHIQISH

Mashg‘ulotning maqsadi: talabalarni 9-sinf o‘quvchilari uchun nutq o‘stirish bilan bog‘liq mashq va topshiriqlar ishlab chiqish metodikasi bilan amaliy tanishtirish va ularni ishlab chiqishga tayyorlash.
1-topshiriq. 9-sinf o‘quvchilari uchun nutq o‘stirish bilan bog‘liq topshiriqlar ishlab chiqing va shu asosida taqdimot tayyorlang.

2-topshiriq. “Mustaqillik – eng ulug‘ ne’mat” mavzusida bog‘lanishli nutq tayyorlash bo‘yicha ko‘rsatma ishlab chiqing.

3-topshiriq. Quyida berilgan matn tarkibidan uning ta’sirchanligini oshiruvchi leksik birliklarni aniqlang, ularni tahlil qiling. Xuddi shunday jarayonni tashkillashtirish uchun o‘quvchilarga biror matnni tavsiya qiling.

Mehr

 

Men tug‘ilganimda baxt yo‘rgaklab oldi. Ko‘zimni ochsam boshimda bir chiroyli, munis ayol parvona bo‘lyapti. U meni bag‘riga bosdi.

Farishtaday bir kampir meni beshikka belab alla aytdi:

– Buvisining erka bolasi, Ko‘zining oqu-qorasi... – bu ovoz shu qadar yoqimli ediki ko‘zlarim yumilib uxlab qoldim.

Toy-toy qilib yurishga harakat qilganimda, buvijonim qo‘shni bolalarni chaqirib, oyoqlarim ostidan jajji kulchalar dumalatdilar. Bolalar kulchalarni talashib-tortishib olishdi. Ko‘p o‘tmay men ham ularga ergashib yugurib ko‘chaga chiqdim.

Xonadonimiz tinch, turmushimiz farovon. Maktabga keldim. Uni dadam, “bilimlar qasri”, unda a’lo bahoga o‘qisang, yaxshi o‘g‘il bo‘lasan, dedilar. Ustozlarim ham mehribon. Kitoblarim bir sirli dunyo, o‘qigan sarim o‘qigim keladi. Men baxtiyorman, mehr ko‘rib, mehrga suyanib katta bo‘lyapman. Shularni o‘ylaganimda dilimda bir istak tug‘ildi: menga faqat yaxshilik tilagan, peshonamni silagan ota-onamning, Vatanimning ishonchini oqlovchi, mehnatkash, mehribon farzand bo‘laman!