1-тема. Маркетинг ҳәм оның раўажланыўының тийкарғы басқышлары

8.3.Жаңа товарлар ушын баҳа белгилеў.
Базар тез өзгерип барады ҳәм соған қарап хәр бир өним де өз жасаў дәўирин ҳам өтейди. Усы ўақыт даўамында фирмалар турақлы баҳаларға өзгертиўлер киритеди.
Жаңа өнимге баҳа белгилеў ең қурамалы басқышлардан бири болып есапланады. Жаңа өнимди ислеп шығарыў менен байланыслы қәрежетлер базардаға талап дәрежеси, бәсекелер ҳәрекети еле жетерли дәрежеде белгили емес.
Баҳа белгилеўдиң қыйынлығы белгили дәрежеде өнимниң жаңалығы дәрежесине де байланыслы.
Бул дәреже болса үшке бөлинеди:
-ең жаңа өним;
-техникалық жақтан алдағы өним
-оригинал болмаған ҳәм орынбасар өнимлер.
Өнимниң базарға кирип келиўи ҳәм өсиўи басқышынан тойыныў ҳәрекети басқышына ҳәрекети дәрежесине қарап, баҳаларды пухта басқарыў баҳа маркетинги стратегиясын әмелге асырыўдың гилти есапланады.
Тойыныў басқышында баҳаларды көтериў әдетде талаптың көбейиўи емес, бәлким ислеп шығарыў қәрежетлериниң артыўы ақыбети болып есапланады. Сол себепли өнимниң түрине қарап я еркин баҳалар қойылады яки товарлар сатыў көлемин кобейтиў ушын баҳалар пәсейтириледи.
Жоғалып баратырған өнимлерге баҳа белгилеў.
Баҳа маркетингинде кейинги режелерге қарап еки баҳа белгилеў жолы қолланылады. Ислеп шығарыўды қысқартыў ушын баҳаларды басқышпа-басқыш пәсейтиў стратегиясы жәми товарлар сатып тамаланғанға шекем әмелге асырылады.
Саўда-сатық ҳәрекетинде маркетинг қәнигелери ушын баҳа белгилеўдиң еки тийкарғы сиясаты бар бул “қаймағын алыў” ҳәм “кирип алыў” сиясаты болып табылады..
“Қаймағын алыў” сиясаты алды менен товар баҳасы ислеп шыгарыў баҳасынан жоқары орнатып әсте-ақырын оны түсирип барады. “Қаймағын алыў” сиясатынан көп жағдайда базарға жаңа өнимди усыныўда пайдаланады. Бунда баҳа қандайда бир жоқары дәрежеде белгиленеди, өним болса сегментация нәтийжесинде тийкаргы деп атап өтилген базарда сатылады. Базардың тойыныўынан соң тутыныўшыларды топлаў мақсетинде баҳа пәсейтириледи. Солай етип толық дәрамат ең көп муғдарға жеткизиледи.
«Қаймағын олыў» ҳәм «Кирип алыў» сиясатлары баҳа белгилеўдиң айрықша жағдайда пайда болыўы есапланады. Оның бириншиси қымбат баҳалар, екиншиси арзан баҳалар стратегиясы болып есапланады.