1-тема. Киши бизнес ҳӘм исбилерменликтиң ӘҲмийети ҳӘм мазмуны

1.5.3-кесте. 2009 жылда Өзбекстанда жаратылған жумыс орынлары

Көрсеткиш	саны, бирлик
2009 жылда жаратылған жәми жумыс орынлары	940532
Өткен жылға салыстырғанда, процентте	142,3
Соннан төмендеги тийкарғы бағдарларда жаратылған жумыс орынлары:
Киши бизнес ҳәм жеке исбилерменлик тараўында	391809
өткен жылға салыстырғанда, процентте	104,7
Үй мийнетиниң барлық формаларын шөлкемлестириў, жәми	196745
Соннан, кәрханалар менен кооперацияда (мийнет шәртнамасы тийкарында)	77466
Жаңа объектлерди иске түсириў, бар болған өндирислерди қайта қурыў ҳәм кеңейтиў	70587
Жумыс орынларын көбейтиўдиң қосымша илажлары (Кризиске қарсы бағдарлама ҳәм басқа қосымша илажлар)	281391

Кесте мағлыўматларынан көринип турғанындай, мәмлекетимизде 2009 жылда жаратылған жәми 940,5 мыңнан зыят жаңа жумыс орынларының 391,8 мыңы (41,7 проценти) киши бизнес ҳәм жеке исбилерменлик тараўына туўры келмекте. Бул өткен 2008 жылға салыстырғанда 4.7 процентке көп. Жәми жаңа жумыс орынларының дерлик 21 проценти түрли формадағы үй мийнетин жолға қойыў, 7.5 проценти жаңа объектлерди иске түсириў, бар болған өндирислерди қайта қурыў ҳәм кеңейтиў, дерлик 30 проценти жумыс орынларын көбейтиўдиң қосымша илажларын әмелге асырыў есабынан қәлиплестирилген. Буның нәтийжесинде, киши исбилерменликте бәнт болғанлардың жәми экономикадағы бәнт болғанларға салыстырмалы үлеси 2008 жылда 73,1 процентти қураған болса, 2009 жылға келип 74,2 процентке жетти.

Буннан көринип турғанындай, жер жүзлик финанслық-экономикалық кризиси шараятында мәмлекетимизде киши бизнес ҳәм жеке исбилерменликти жедел раўажландырыў экономикалық өсиўди тәмийинлеў, жаңа жумыс орынларын қәлиплестириў, халық дәраматлары ҳәм турмыс дәрежесин арттырыўдың әҳмийетли факторы сыпатында ҳәрекет етпекте.
1.6. Өзбекстанда киши бизнес ҳәм жеке исбилерменлик хызметин