1. Suyaklarning tuzilishi haqida umumiy ma’lumotlar. Suyaklarning shikastlanishi haqida ma’lumotlar

22- rasm- A- burun sohasini bog’lash; B- peshona sohasini bog’lash; D- daxan yoki (pastki jag’) sohasini bog’lash

Ko’krak jaroxatlariga esa, odatda, spiral yoki butsimon bog’lamlar qo’yiladi. Spiral bog’lam qo’yish uchun bintdan 1.5 metrcha kesib olinib. uni sog’lom kiftga solinadi va ko’krakda qiyshiq qilib osiltirib qo’yiladi. Bintni spiral xolda yurgizib, ko’krak qafasi orqa tomonining pastidan boshlab bintlab chiqiladi va uning uchlari bog’lanadi. Ko’krakka butsimon bog’lamni bintni ushlab turadigan qilib 2-3 marta g’ir aylantirib o’rash yo’li bilan pastdan solib boriladi, so’ngra orqaning o’ng tomonidan chap kiftga o’tkaziladi.

Qorin sohasi jaroxatlari orasida qorinni teshib kirgan jaroxatlar shikastlangan odamning hayoti uchun hammadan ko’ra ko’proq hatarlidir. Mana shunday jaroxat yetgan mahalda organlardan: ichaklar va charvi tashqariga chiqib qolishi, juda ko’p qon yo’qotilishi mumkin. Ichki organlar chiqib qolgan bo’lsa, ularni qorin bo’shlig’iga qaytarib tushirib qo’yib bo’lmaydi. Chiqib qolgan ichki organlar atrofidagi jaroxatni steril salletka yoki sterii bint biian o’rab bekitib qo’yish kerak. Qorinda teshib kirgan jarohati bor odamga suv ichirib bo’lmaydi, faqat lablarini xo’llab turish mumkin.

Qorinning ustki qismiga steril bog’lam qo’yishda bint pastdan yuqoriga tomon g’ir aylantirib o’rab chiqiladi. Lekin, qorinning pastki tomoniga spiral bog’lam qo’yiladigan bo’lsa, tushib ketaveradi. Shu sababdan bunda qorin va son oralig’i sohasiga boshoqsimon bog’lam qo’yiladi. Bunday bog’lam qorinni bint bilan g’ir aylantirib olishdan boshlanadi, so’ngra bint sonining tashqi yuzasi bo’ylab o’rab boriladi. Qorinnning katta-katta joylari kuygan mahalda durrachali bog’lamlar ham qo’yilishi mumkin.