1-sabaq Tema: Gimnastika: Saplanıw hám qayta sapqa turıwdı úyretiw. Turnikke tartılıw texnikasın úyretiw Sabaqtıń maqseti

II. НАЗОРАТ ТУРЛАРИ ВА УНИ АМАЛГА ОШИРИШ ТАРТИБИ
2.1.Назорат турлари, уни ўтказиш тартиби ва мезонлари кафедра мудири тавсияси билан ТДСИ Илмий услубий кенгашида муҳокама қилинади ва тасдиқланади, ҳамда ҳар бир фаннинг ишчи ўқув дастурида машғулот турлари билан биргаликда кўрсатилади.
2.2.Рейтинг назорати жадваллари, назорат тури, шакли, сони, ҳамда ҳар бир назоратга ажратилган максимал балл, шунингдек жорий ва оралик, назоратларнинг саралаш баллари ҳақидаги маълумотлар фан бўйича биринчи машғулотда талабаларга эълон қилинади.
2.3.Талабаларнинг билим савияси ва ўзлаштириш даражасининг Давлат таълим стандартларига мувофиқлигини таъминлаш учун қуйидаги назорат турларини ўтказиш назарда тутилади:
- жорий баҳолаш - талабанинг фан мавзулари бўйича билим ва амалий кўникма даражасини аниқлаш ва баҳолаш усули. Жорий назорат фаннинг хусусиятидан келиб чиққан ҳолда амалий машғулотларда оғзаки сўров, тест ўтказиш, суҳбат, назорат иши каби бошқа шаклларда ўтказилиши мумкин. Ҳар бир машғулотда барча талабалар баҳоланиши шарт;
- талабанинг мустақил иши ўқув режасида муайян фанни ўзлаштириш учун белгиланган ўқув ишларининг ажралмас қисми бўлиб, у услубий ва ахборот ресурслари жиҳатидан таъминланади, ҳамда бажарилиши рейтинг тизими талаблари асосида назорат қилинади. Шифокор назорати, физиотерапия, реабилитология, даволовчи жисмоний тарбия, халқ тиббиёти фанларидан талабанинг мустақил иши кафедра архивида рўйхатга олинади ва 2 йил мобайнида сақланади;
- оралиқ баҳолаш – кафедрада ўтилаётган шифокор назорати, физиотерапия, реабилитология, даволовчи жисмоний тарбия, халқ тиббиёти фанларнинг аудитория соати 72 дан кам бўлган учун ОБ ўтказилмайди. Шунинг учун ЖБ ва ЯБ улуши 50%, 50% ни ташкил қилади.
- якуний баҳолаш – маъруза ва амалий машғулотлар якунида муайян фан бўйича назарий билим ва амалий кўникмаларни талабалар томонидан ўзлаштириш даражасини баҳолаш усули. Якуний назорат ОСКИ дастури бўйича тузилган ва тасдиқланган вариантларга оғзаки ва ёзма жавоб бериш шаклда ўтказилади. Талаба ёзган ёзма иши кафедра архивида 2 йил давомида сақланади.
Максимал рейтинг балининг 55%дан кам балл тўплаган талабага умумий балл қўйилмайди.
2.4.Институт ректорининг буйруғи билан ички назорат ва мониторинг бўлими раҳбарлигида тузилган комиссия иштирокида якуний назоратни ўтказиш жараёни даврий равишда ўрганиб борилади ва уни ўтказиш тартиблари бузилган ҳолларда, якуний назорат натижалари бекор қилиниши мумкин. Бундай ҳолларда якуний назорат қайта ўтказилади.