1. Qurilish ishlab chiqarishi – qurilishning tayyorgarlik va asosiy davrlari

Qurilish texnologiyasi atamasi deganda ijrochilar (mehnat resurslari) vositasida boshlang‘ich tabiiy va sun’iy material (material elementlar) larga ishlov berish, qurilish mahsulotini yaratish maqsadiga yo‘naltirilgan harakatlar (qurilish jarayoni), usullar va vositalarning yig‘indisiga aytiladi.
Qurilish mahsuloti – bu: a) qurilishi tugallangan va foydalanishga belgilangan muddatda topshirilgan bino va inshootlar; b) bino va inshootlarning ayrim qismlari; v) ma’lum vaqt oralig‘ida bajarilgan ishlarning hajmlari (m2, m3, dona).
Qurilish ishtirokchilari. Davlat yoki xususiy investor buyurtmachi hisoblanadi, ya’ni qurilish mahsulotini yaratishga buyurtma beruvchi buyurtmachi-quruvchi-loyihaning barcha ishtirokchilarini ishlarini muvofiqlashtirishni amalga oshiruvchi ixtisoslashgan tashkilotdir.
Bevosita loyihalash jarayoni uchun buryurtmachi tanlab oladigan asosiy ishtirokchilar bosh loyihachi va bosh pudratchi hisoblanadi. Tashkilotlar- subpudratchi tashkilotlar bilan shartnomalar tuzadilar. Umumqurilish ishlari odatda pudrat yoki xo‘jalik usullarida bajariladi. Pudrat usulida ishlarni qurilish va montaj tashkilotlari shartnoma asosida bajaradilar.
Qurilish jarayonlari va ishlar. Bir nechta operatsiya oddiy jarayonni tashkil etadi (masalan, kotlovanni yaratishda gruntni qazish). Oddiy jarayonlar yig‘indisi kompleks texnologik jarayonni ifoda etadi. Ob’yektni barpo qilishda murakkab jarayonni tashkil etuvchi bir necha kompleks jarayonlar yig‘indisi, uning natijasida bino yoki inshoot barpo etiladi.
Mexanizatsiyalash darajasi bo‘yicha:
- mexanizatsiyalashgan jarayon mexanizmlar yordamida bajariladi (ekskovator bilan kotlovan qazish, yig‘ma konstruksiyalarni kran bilan montaj qilish);
- dastaki jarayon mexanizatsiyalashgan asbob (vibrator, kraskopult) yoki mexanizatsiyalashmagan asbob (belkurak, bolta, arra) yordamida amalga oshiriladi;
- yarim mexanizatsiyalashtirilgan jarayonda mashinalar bilan birga qo‘l mehnatidan ham foydalaniladi.