1. O’zbekiston Respublikasi Prezidenti shavkat Mirziyoevning Oliy Majlisga murojaatnomasidan kelib chiqqan holda fanning vazifalari

Nazorat va muhokama uchun savollar

1. Investision siyosat nima va u davlat va korxonalar miqyosida qanday maqsadlarni ko’zda tutadi?

2. “Investisiyalar” va “kapital qo’yilmalar” tushunchalari o’rtasidagi farqlarni tavsiflab bering.
3. Investision jarayonlarni qaysi asosiy bosqichlar tavsiflaydi?
4. Investisiyalar tarkibi va strukturasi nima va ularning korxona iqtisodiyotiga ta’siri qanday?
5. Investisiyalarning iqtisodiy samaradorligini aniqlashning qaysi usullari sizga ma’lum?
6. Korxonalar investision siyosatining mohiyati nimada?
7. Investisiyalarning eng samarali variantini tanlashda qaysi usuldan foydalanish maqsadga muvofiq?

13- MAVZU. KORXONANING TIJORAT SIRI VA IQTISODIY XAVFSIZLIGI

13.1. Korxona iqtisodiy xavfsizligini ta’minlashning maqsadi, vazifalari va tamoyillari.

13.2. Korxona iqtisodiy havfsizligini ta’minlashni tashkil qilish va boshqarish.
13.3. Korxonaning xavfsizlik xizmati, uning tuzilishi va vazifalari.
13.4. Korxonaning tijorat sirlari.


Annotasiya

Korxona iqtisodiy xavfsizligini ta’minlashning asosiy maqsadlari quyidagilardan iborat:

• 
  korxona va uning barcha bo’linmalari, mehnat jamoasining davlat tuzilmasi, xorijiy hamkorlar va raqiblar bilan o’zaro munosabatlarda qonuniy huquqlarini himoya qilish;
  
• 
  korxona mulkini saqlash, undan oqilona va unumli foydalanish;
  
• 
  ishlab chiqarilayotgan mahsulotning ichki va tashqi bozordagi raqobatbardoshligini oshirish;
  
• 
  tashkiliy va ishlab chiqarish barqarorligiga erishish, butlovchi qismlar etkazib beruvchilarga yordamchi va hamkorlarga bir tomonlama qaram bo’lishga yo’l qo’ymaslik;
  
• 
  barcha tuzilmaviy bo’g’inlardagi xodimlar orasida mehnat intizomini mustahkamlash;
  
• 
  mehnat unumdorligini oshirish uchun moddiy va ma’naviy manfaatdorligini ta’minlash;
  
• 
  ishlab chiqarishda fan-texnika yutuqlaridan foydalanish, samarali axborot bazasini rivojlantirish;
  
• 
  korxona obro’sini oshirish.
  

Ko’rsatilgan maqsadlardan kelib chiqqan holda korxona xavfsizligini ta’minlash vazifalari qatoriga quyidagilarni kiritish mumkin:
1. Korxona ichida hamda tashqi tashkilotlar - hukumat idoralari, boshqaruv strukturasidagi qoidabuzarlik omillari, vakolatni oshirish hollari va hokazolarni aniqlash;
2. Korxonaning barqaror ishlashiga ta’sir qilishi mumkin bo’lgan xavf-xatar hamda bozor kon’yunkturasidagi noqulay o’zgarishlarni aniqlash va zarur choralarni qo’llash;
3. Bo’lajak hamkorlarni o’rganish, ularning moliyaviy ahvolini tahlil qilish va baholash;
4. Iqtisodiy ayg’oqchilikka qarshi chora-tadbirlarni tayyorlash;
5. Korxona sirlaridan xabardor bo’lgan malakali xodimlarni boshqa korxonalarga jalb qilishning oldini olish;
6. Nosog’lom raqobatchilikni engish;
7. Korxona hududi va moddiy resurslarini himoya qilish;
8. Tijorat sirlarini muhofaza qilishni tashkil qilish;
9. Mehnat jamoasi a’zolari orasidagi salbiy fikrlarni aniqlash;
10. Favqulodda hodisalarning oldini olish va xavfsizlikning boshqa choralari.