1. O`z betinshe jumıs

Temanı’ha’m berilgen tapsirmalardi orı’nlawda kerekli u`skeneler:

Fakul’tetler arali’q Qaraqalpaqstan tariyxi’ pa`ninen tekst lektsiya (NMPI Axborot-resurs orayi, Qaraqalpaqstan tariyxi’ pa`ninen OMK), Qubla Aral boyi’ xali’qlari’ tariyxi’, etnografiyası’, arxeologiyasi’ boyınsha a`debiyatlar (Толстов С.П. Древний Хорезм ha’m По древним дельтам Окса и Яксартa, Гулямов Я.Г. История орошения Хорезма с древнейших времен до наших дней, Mambetullaev M., Turebekov M ., Yusupov O. Qaraqalpaqstan tariyxi, Ma`mbetov K. Qaraqalpaqlar etnografiyası ha’m Qaraqalpaqlar tariyxi ha’m Qaraqalpaqstanni’n` jan`a tariyxi’), tarqatpa materiallar, qaraqalpaqstan tariyxi boyınsha SD ler, siyasiy ha’m kontur kartalar.

JUMISTIN` MAZMUNI
Qaraqalpaqstan jerleri tas a`sirinde: Bul aymaqlar ta`biyg`i’y geografiyali’q jag`day ha`m a`yyemgi gominidlerdin` jasag`an ortali’g`i’. Usi’ da`wirlerde Aral- Kaspiy arali’g`i’, U`strit dalalari’ndag`i’ jag`day sol geografiyali’q ortali’qqa beyimlesip, adamlardi’n` qoni’s basi’p ha`m ma`kanlag`an jerlerine aylang`an. U`strit ken`isliginen tabi’li’p u`yrenilgen tas da`wirindegi estelikler adamlardi’n` orayli’q U`stritte turaqli’ jasap, ma`wsimlerde kelip waqi’tsha o`zlestirip ha`m an` awlap jasag`ani’nan derek beredi. Aral-Kaspiy arali’g`i’nda, U`strirt ken`isliginde, Qi’zi’l qumda, paleolit –mezeolit ha`m neolit da`wirlerinde adamlar qoni’s basqan.
Paleolit- a`yyemgi tas da`wiri (“paloys”- qadimgi, “litos”- tas) u`lken u`sh da`wirge bo`linedi:
Olduvay (3-2,5 mln. -700 mi’n` ji’l buri’n);
Ashel` (700 mi’n` -150 mi’n` ji’l buri’n);
Must`e (150-120 mi’n` 30-31 mi’n` ji’l buri’n) da`wirleri.
Barli’q tas da`wirlerinde miynet qurallardi’ islewde tas tiykarg`i’ ori’ndi’ iyeleydi. Sonli’qtanda, a`yyemgi tas da`wirinin` qoni’s ori’nlari’nan tastan islengen qurallar ha`m buyi’mlar ko`p ushi’rasadi’. Ashel` da`wirine kelip miynet qurallardi’n` tu`rleri ko`beydi. Taslardi’ birin ekinshisi menen uri’p jari’p ha`m kerekli formada qurallar jasag`an.