O’zbekstanda gimnastikanın’ rawajlanıwı
1879-jılda Tashkentte ashılg’an en’ birinshi pedagogika oqıw ornı Tu’rkstan
u’lkesindegi rus h’a’m rus-tuzem mektepleri ushın oqıtıwshılar tayarlag’an. Olar
dene ta’rbiyası xaqqında en’ a’piwayı tu’siniklerge iye bolg’an. Bul oqıw ornının’
oqıw rejesinde ko’rsetilgenindey, studentlerdin’ gimnastika shınıg’ıwları: saplanıw,
erkin h’a’reketler, h’a’r qıylı oyınlar h’a’m gimnastika u’skenelerinde orınlanatug’ın
shınıg’ıwlardan ibarat bolg’an.
Sol waqıtları gimnastika baslang’ısh bilim orınlarında o’tiler edi, biraq
qa’nigelerdin’ jetispewshiligi, sabaq o’tiw xanaları h’a’m sport u’skenelerinin’
bolmag’anlıg’ı sebepli sabaqlardın’ sapaları to’men da’rejede edi.
1912-jıldan baslap Peterburg, Varshava, Moskva qalalarınan gimnastika sportı
boyınsha trenerler kele baslag’an. Sol jılı Stokgolm qalasında bolıp o’tetug’ın
Olimpiada oyınlarında qatnasıw ushın Rossiya saylandı komandasının’ tan’law
jarısları Tu’rkstanda (Tashkentte) bolıp o’tken. Sol jılı O’zbekstanda sport
gimnastikası du’zilgen jıl dep esaplandı. Son’ın ala Qoqan, Fergana h’a’m
Samarkand qalalarında gimnastika ja’miyetleri du’zilgen.
1915- jıldı Tashkentte h’ayallar gimnastikası boyınsha oqıw kursları ashıldı. Usı
kurslardı tamamlag’an Polina Garfung O’zbekstanda gimnastikanın’ rawajlanıwına
u’lken u’les qostı.
1917-jılı Xalıqtı dene ta’rbiyası h’a’m sport arqalı salamatlandırıw ma’mleket
isine aylanıp, gimnastika g’alabalıq bag’darda rawajlang’an. Usı waqıtta gimnastika
Buxara, Kattaqorg’an, Namangan, Urgenish qalalarına tarqala basladı.
1918-jılı «Balalar sport klubı» ashılıp, onda gimnastika shınıg’ıwları h’a’m
h’a’r qıylı oyınlar o’tkiziletug’ın edi.
1919-jılı Tashkent qalasında Tu’rkstan Olimpiya oyınları o’tkizildi.
1920-jılı 10-oktyabrde Orta Aziya oyınları bolıp o’tti. Bul jarısta O’zbekstan
gimnastikashıları jen’impaz boldı.
1920-jılı Fergana wa’liyatı a’skeriy komiteti qasındag’ı «Vseobuch» bo’limi
“Bes jıllıq mekteplerdin’ 1-2-klasslarında dene ta’rbiyası sabag’ın oqıtıw boyınsha
qısqa bag’darlama” islep shıqtı. Bag’darlamada gimnastika, juwırıw, sekiriw, h’a’m
h’a’r qıylı oyınlar menen shug’ıllanıw belgilengen edi.
1928-jılı Moskvada o’tkizilgen burıng’ı Pu’tkil awqamlıq spartakiadasında
O’zbekstanlı gimnastikashılar komandalıq esapta 4-orındı iyeledi, al tashkentli
gimnast Mecheslav Murashko bolsa burıng’ı awqamnın’ absolyut chempionı boldı.
Tashkentte
1929-jılı
birinshi ma’rte dene ta’rbiyası do’gerekleri
sho’lkemlestirildi h’a’m onda gimnastika sportı boyınsha jarıslar o’tkizildi.
1930-jıllardan baslap balalar h’a’m o’spirimler arasında sport gimnastikasın
rawajlandırıw boyınsha ju’da’ u’lken jumıslar alıp barıldı. Tashkenttegi alımlar u’yi
qasında ashılg’an balalar do’geregine N.V.Kravchenko trenerlik qıldı.
1934-jılı Tashkentte bolıp o’tken I Orta Aziya h’a’m Qazaqstan Respublikası
spartakiadasında komandalıq birinshilikte birinshi orındı O’zbekstanlı gimnastlar
qolg’a kirgizdi.
Ekinshi du’nya ju’zlik urıstan aldın’g’ı jıllarda jergilikli milletke tiyisli balalar
menen islesiw jaqsı jolg’a qoyılg’an edi.
1940-jılı respublika saylandı komandasında 4 o’zbek jigiti h’a’m 3 qız bolg’an.
Olardı ta’rbiyalawda Tashkent qalasındag’ı 90-sanlı mektep oqıtıwshısı
L.Vapaevtın’ xızmetleri u’lken.
1943-jılı 1-yanvardan h’a’tte orta mekteptin’ baslang’ısh klasslarında a’keriy
dene ta’rbiyası tayarlıg’ı boyınsha sabaqlar o’tile baslag’an.
1943-jıl sentyabr ayında mektepten tıs mekemelerdi tiklew xaqqında arnawlı
qarar qabıl etilgen.
1944-jılı 118 mektepten tıs mekemeler tiklenip, sonnan 16 oqıwshılar u’yi, 11
B.S.M., 7 balalar stadionları h’a’m bag’ları, oraylıq turistlik stantsiyaları qurılıp,
olar qa’rejet penen ta’miyinlengen. B.S.M de 2000 nan aslam mektep
oqıwshıları shug’ıllang’an.
Do'stlaringiz bilan baham: |