1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

G’a’rezsizlikten keyingi da’wirde gimnastikanın’ rawajlanıwı 

G’a’rezsiz O’zbekstan Respulikası gimnastları h’a’m trenerleri jan’a sharayatta 

da u’lken jetiskenliklerge erispekte. Sportshılarımız Xalıq aralıq sport arenalarında 

o’z ku’shlerin sınap ko’riwge puxta tayarlıq ko’rip atır. O’zbekstanlı gimnast qızlar 

O.Chusovitina, R.Galievalar sport gimnastikası boyınsha ja’h’a’n chempionatında 

qatnasıp, altın medaldı jen’ip alıwg’a miyasar boldı. 

1992-jılı  İspaniyanın’  Barselona  qalasında  o’tkerilgen  XXV  Olimpiada 

oyınlarında G’MDA komandası quramında O.Chusovitina h’a’m R.Galievalar altın 

medal iyesi boldı. 

O.Chusovitina  bes  Olimpiada  oyınlarına  qatnasıp  joqarı  orınlardı  iyelegeni 

ushın ja’h’a’n gimnast h’ayalları arasında Ginnes rekordları kitabına tu’sken jeke 

sportshı bolıp tabıladı. 

1993-jılı  O’zbekstan  Gimnastika  Federatsiyası  du’zilip,  onı  Xalıq  aralıq 

Gimnastika Federatsiyası (FİJ) o’z quramına qabıl etti. 

1994-jılı  Xirosimada  o’tkerilgen  Aziya  oyınlarında  O.Chusovitina  tayanıp 

sekiriw h’a’m brusyalarda bronza medalın qolg’a kirgizdi. 

1998-jılı  Bangkokta  o’tkizilgen  jarıslarg’a  E.Gardieva,  A.Dzyundzyak, 

B.Bayatanova (QQ-lı), S.Baxratdinova, O.Chusovitina sıyaqlı ta’jiriybeli sportshılar 

qatnastı. 

A.Fokin  2007-jılı  Germaniyanın’    Shtutgart  qalasında  bolıp  o’tken  ja’h’a’n 

chempionatında bronza medalın jen’ip aldı. 

---

2008-jılı  A.Fokin  XXIX  Pekin  Olimpiadasında  brusyada  al,  E.Xilko 

«trampolin» sport tu’ri  boyınsha bronza medalların jen’ip alıwg’a miyasar boldı. 

2010-jılı Guanchjouda bolıp o’tken Aziya oyınlarında A.Fokin brusyada gu’mis, 

Luiza Galiulina brevnoda bronza medalın jen’ip aldı. 

Ha’zirgi waqıtta Respublikamızda R.G.Sarkisov, R.S.Sırkin, A.Olushev h’a’m 

t.b.  ta’jiriybeli  trenerler  jas  gimnast  balalardı  ta’rbiyalawday  a’diwli  iste  o’z 

ku’shlerin ayamay xızmet etip kiyatır.  

O’zbekstan  gimnastika  federatsiyası    wa’killeri  FİJ  h’a’m  Aziya  birlespesi 

konferentsiyalarında o’zlerinin’ bayanatı menen qatnasıp kelmekte. 

 Bu’gingi  ku’nde  O’zbekstan  Respubdikasında  bunday  sport  tu’rinin’ 

rawajlanıwına  o’z  ku’shlerin  ayamay  kiyatırg’an  ta’jiriybeli  sportshılar 

O.Chusovitina, A.Dzyundzyak h’a’m olardın’ treneri  S.Kuznetsova h’a’m t.b. ataqlı 

trenerler  o’z  ustazları  V.Vnuchkova,    G.Petrov,  V.Aksenov,  Z.Bondarenko,  

V.Kurlyand    h’a’m      R.Sarkisovlar  qaldırg’an  miyrastan  na’tiyjeli  paydalanıp, 

ma’mleketimiz bayrag’ın xalıq aralıq jarıslarda joqarı ko’terip kiyatır.