1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

 

---

Gimnastshılardı  qorg’anıw  ilajlarına  h’a’m  ja’rdem  beriw  a’mellerine 

u’yretiw- oqıw trenirovka protsesinin’ ajıralmas bo’legi bolıp esaplanadı. Ha’r bir 

gimnast (o’z dostın) qıyın shınıg’ıwlardı u’yrengende o’z doslarına qorg’anıw ilajın 

h’a’m ja’rdem beriw a’mellerin qollanıp biliwi tiyis.  

Qorg’anıw  ilajlarına  u’yretiw  gimnasttın’  shınıg’ıwlardı  o’zlestiriwi  menen 

birge a’melge asırıladı.  

Mug’allim  shınıg’ıwdı  tu’sindirip  h’a’m  ko’rsetip  bolg’annan  keyin  izinshe 

qalay  qorg’anıw  ilajın  h’a’m  ja’rdem  beriw  a’mellerin  qollanıw  kerekligin 

ko’rsetedi h’a’m bug’an oqıwshıların tartadı.  

Qorg’anıw  h’a’m  ja’rdem  beriw  ko’nlikpelerin  qa’liplestiriw  sportshının’ 

sabaqqa sanalı qatnasıwı h’a’m mug’allimnin’ qatan’ qadag’alawı astında a’melge 

asırılıwı tiyis. 

Qorg’anıw h’a’m ja’rdem beriw a’meline u’yrete otırıp oqıwshılardın’ dıqqatın 

texnika qa’wipsizligine h’a’m basqa da jarakatlanıwdın’ aldın alıw ilajların qatan’ 

tu’rde  saqlawg’a  qaratıw  kerek,  yag’nıy  joqarı  da’rejedegi  oqıw  intizamlılıg’ın, 

sabaq o’tiw ornına durıs qatnasın, shıpakerlik h’a’m o’zin-o’zi qadag’alaw h’a’m 

jeke  gigienalıq,  sonday-aq  durıs  dem  alıw  h’a’m  awqatlanıw  qag’ıydaların 

saqlawg’a h’a’m tag’ı basqa da talaplarg’a oqıwshılardın’ dıqqatın tartıw tiyis.