1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Shıpaker h’a’m o’zin-o’zi qadag’alaw 

    Sistemalıq  tu’rde  shıpaker  ko’riginen  o’tiw  h’a’m  o’zin-o’zi  qadag’alaw 

gimnastika  sabag’ı  waqtında  oqıwshılardı  jaraqatlanıwdan  saqlawdın’  tiykarg’ı 

faktorı esaplanadı. 

Shıpakerdin’  sistemalı  tu’rde    qadag’alawısız,  dene  ta’rbiyası  h’a’m  sport 

protsesindegi salamatlıq-gigienalık wazıypalardı na’tiyjeli sheshiwge bolmaydı.  

Shıpakerdin’  qadag’alawı  na’tiyjesinde  shug’ıllanıwshının’  den  sawlıg’ı 

jag’dayın,  fizikalıq  rawajlang’anlıq  da’rejesin  anıqlaydı,  jarısqa  h’a’m  sabaqqa 

qatnasıwı  h’aqqında  ma’selelerdi  sheshedi  ja’ne  bulshık  etlerge  tu’sejaq  ku’shti 

anıqlaydı. 

Shıpakerlik  qadag’alaw  birinshi,  ekinshi  h’a’m  qosımsha  bolıp  bo’linedi. 

Birinshi  qadag’alaw  waqtında  shug’ıllanıwshının’  densawlıg’ı  h’a’m  fizikalıq 

rawajlanıw da’rejesinin’ barlıq ko’rsetkishleri anıqlanadı. 

Barlıq dene ta’rbiyası h’a’m sport penen shug’ıllanıwshılar jıl dawamında 2 ret 

shıpaker ko’riginen o’tedi. Bul waqıtta olardın’ den sawlıq jag’dayı h’a’m fizikalıq 

rawajlanıwının’  dinamikasın  ko’redi  ja’ne  oqıw-shınıg’ıw  protsesinin’ 

na’tiyjeliligin anıqlaydı. 

Shug’ıllanıwshı  ko’p  waqıt  awırg’anlıg’ı,  jaraqat  alg’anlıg’ı,  sonday-aq  ko’p 

shug’ıllanıp jibergenligi sebepli shıpaker ko’riginen  qosımsha o’tedi.