1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

U’zliksiz  a’mel  (potochnıy  sposob)  akorbatikalıq  shınıg’ıwlardı  o’tkende, 

arqang’a  o’rmelegende,  tayanıp  sekiriwde,  tek  bir  u’skenedegi  bir  tu’rdegi 

shınıg’ıwlardı  orınlatıp  qoymastan,  h’a’r  qıylı  u’skenelerdegi  orınlanatug’ın 

shınıg’ıwlaradı  isletkende  qolayı  keledi.  Bunday  waqıtları  u’skeneler 

(snaryadlar)  kvadrat  yamasa  aylanıp  jaylastırılıwı  kerek  ,  sebebi  oqıwshı  bir 

tu’rden  ekinshi  tu’re  o’tkende  qag’ısıp  ketpey  h’a’m  u’ziliske  tu’sip  qalmaw 

kerek. U’zliksiz a’melde orınlanatug’ın barlıq shınıg’ıwlar oqıwshılarg’a tanıs 

h’a’m aldın u’yrenilgen bolıwı tiyis.  

Tiykarg’ı  bo’limdi  o’tkeriwdin’  en’  qızıqarlı  a’meli  bul  oyın  a’meli. 

Tiykarg’ı  gimnastikanın’  barlıq  tu’rlerin  bul  a’mel  menen  o’tkeriwge  boladı. 

Sabaqqa  juwırıw,  domalaw,  sekiriw,  tosqınlıqlardan  o’tiw  h’a’m  basqa  da 

h’a’reketlerdi  qosıp  o’tilse  sabaq  qızıqarlı  ta’rizde  o’tedi.  Barlıq  shınıg’ıwlar 

birinin’ izinshe biri orınlanadı. 

Klass 2-4 toparg’a (komandag’a) bo’linedi h’a’m da’slepki orıng’a diziledi. 

Sabaqqa tan’lang’an shınıg’ıwlar aldın-ala o’zlestirilgen bolıwı tiyis. Oyın eki-

u’sh ma’rtebe qaytalanıwı mu’mkin. 

Oqıw  materialın  na’tiyjeli  o’zlestiriw,  sabaqtın’  tıg’ızlıg’ın  asırıw, 

shug’ıllanıwshılardın’  h’a’reket  uqıblıg’ın  rawajlandırıw  ushın    aylanba 

trenirovka a’meli ju’da’ qolay keledi.